പോക്സോ കേസില് മോന്സണ് മാവുങ്കലിന് ജാമ്യം അനുവദിക്കാതെ സുപ്രീംകോടതി. കേസിലെ ആരോപണങ്ങള് ഗൗരവമേറിയതാണെന്ന് കോടതി നിരീക്ഷിച്ചു. ഇതിന് പിന്നാലെ മോന്സണ് ജാമ്യാപേക്ഷ പിന്വലിക്കുകയായിരുന്നു. ഹൈക്കോടതി ജാമ്യം നിഷേധിച്ചതിന് പിന്നാലെയായിരുന്നു മോണ്സണ് സുപ്രീംകോടതിയില് ജാമ്യ ഹരജി നല്കിയത്.
പീഡനക്കേസുകള് ക്രൈംബ്രാഞ്ച് കെട്ടിച്ചമച്ചതാണെന്ന് മോന്സണ് ഹര്ജിയില് ആരോപിച്ചത്. തന്നെ ജയിലില് തന്നെ കിടത്താന് ഉന്നത ഗൂഢാലോചന നടക്കുന്നുണ്ട്. അതുകൊണ്ടാണ് തനിക്കെതിരെ മൂന്ന് പീഡനക്കേസുകള് ചുമത്തിയതെന്നും ഹര്ജിയിലുണ്ട്. ഇതില് ഒരു പീഡനക്കേസിലാണ് മോന്സണ് ജാമ്യം തേടിയത്.
മോണ്സന്റെ ജീവനക്കാരിയായ പെണ്കുട്ടിയെ പീഡിപ്പിച്ചിട്ടില്ലെന്നും അവര് കോടതിയില് നല്കിയ മൊഴിയില് പൊരുത്തക്കേടുണ്ടെന്നും ചൂണ്ടിക്കാട്ടി ചില രേഖകളും കോടതിയില് സമര്പ്പിച്ചിരുന്നു.