മലപ്പുറത്ത് ഒഴിഞ്ഞ എലിവിഷത്തിന്റെ ട്യൂബിനുള്ളിലെ പേസ്റ്റെടുത്ത് വായില്‍ തേച്ച മൂന്ന് വയസുകാരന് മരിച്ചു. പരപ്പനങ്ങാടി ചെട്ടിപ്പടി കോയംകുളം കുപ്പിവളവിലെ സുഹൈലയുടേയും അന്‍സാറിന്റേയും ഏകമകനായ റസിന്‍ ഷായാണ് മരിച്ചത്.
ഉപയോഗ ശൂന്യമായതിനെ തുടര്‍ന്ന് വലിച്ച് എറിഞ്ഞ എലി വിഷത്തിന്റെ ട്യൂബെടുത്ത് കളിക്കുന്നതിനിടെയാണ് കുട്ടിയുടെ വായില്‍ പോയത്. ഉടനെ തന്നെ കുട്ടിയെ ആശുപത്രിയില്‍ എത്തിച്ചു. കോട്ടക്കലിലെയും പിന്നീട് കോഴിക്കോട്ടേയും സ്വകാര്യ ആശുപത്രിയില്‍ എത്തിച്ചു.
മൂന്ന് ദിവസമായി ചികിത്സയില്‍ കഴിയുകയായിരുന്നു. ഇന്ന പുലര്‍ച്ചെയാണ് കുട്ടി മരിച്ചത്. ഖബറടക്കം കൊടക്കാട് ജുമാ മസ്ജിദ് ഖബര്‍സ്ഥാനില്‍ നടക്കും.
