തിരുവനന്തപുരം മേയര് ആര്യ രാജേന്ദ്രന്റെയും ബാലുശേരി എംഎല്എ സച്ചിന് ദേവിന്റെയും വിവാഹ തിയതി നിശ്ചയിച്ചു. സെപ്റ്റംബര് നാലിനാണ് വിവാഹം. എകെജി ഹാളിലാകും വിവാഹച്ചടങ്ങുകള് നടത്തുകയെന്നാണ് റിപ്പോര്ട്ടുകള്. വിവാഹം കഴിഞ്ഞ് രണ്ടു ദിവസത്തിന് ശേഷം കോഴിക്കോട് റിസ്പ്ഷനും നടത്തും.
മാര്ച്ച് 6നായിരുന്നു വിവാഹ നിശ്ചയം നടന്നത്. എകെജി സെന്ററില് വച്ചായിരുന്നു ചടങ്ങുകള്. ബാലസംഘം എസ്എഫ്ഐ കാലഘട്ടം മുതല് ഇരുവരും സുഹൃത്തുക്കളാണ്. ഈ പരിചയമാണ് വിവാഹത്തിലേക്ക് എത്തിയത്.
പതിനഞ്ചാം നിയമസഭയിലെ ഏറ്റവും പ്രായം കുറഞ്ഞ അംഗമാണ് എസ്.എഫ്.ഐ സംസ്ഥാന സെക്രട്ടറി സച്ചിന് ദേവ്. കോഴിക്കോട് ബാലുശ്ശേരിയില് നിന്നും യുഡിഎഫ് സ്ഥാനാര്ത്ഥിയും സിനിമ താരവുമായി ധര്മ്മജന് ബോള്ഗാട്ടിയെ പരാജയപ്പെടുത്തി മികച്ച വിജയം നേടിയാണ് സച്ചിന് നിയമസഭയില് എത്തിയത്.
ഏറ്റവും പ്രായം കുറഞ്ഞ മേയര് എന്ന വിശേഷണത്തോടെയാണ് ആര്യ രാജേന്ദ്രന് തിരുവനന്തപുരത്ത് ചുമതലയേറ്റത്. 2020 ലെ കേരള തദ്ദേശ സ്വയംഭരണ തിരഞ്ഞെടുപ്പില് മുടവന്മുകള് വാര്ഡില് നിന്ന് എല്.ഡി.എഫ് സ്ഥാനാര്ത്ഥിയായി വിജയിച്ചാണ് ആര്യ കോര്പ്പറേഷന് മേയറായത്.