കോഴിക്കോട് ജീവനോടെ കോഴിയെ തൊലിയുരിച്ച് കഷ്ണങ്ങളാക്കിയ സംഭവത്തില് അറവുകാരന് അറസ്റ്റില്. കൊല്ലങ്കോട് കണ്ണനാകത്ത് പ്രവര്ത്തിക്കുന്ന കടയിലെ അറവുകാരനായ അയിര കുഴിവിളാകം പുത്തന്വീട്ടില് മനുവിനെയാണ് അറസ്റ്റു ചെയ്തത്.
ജീവനോടെ കോഴിയുടെ തൊലിയുരിക്കുന്ന ദൃശ്യങ്ങള് കഴിഞ്ഞ ദിവസം സമൂഹ മാധ്യമങ്ങളില് പ്രചരിച്ചിരിച്ചിരുന്നു. ഇതേ തുടര്ന്നാണ് പൊലീസ് കേസെടുത്തത്. ഇറച്ചി വാങ്ങാന് കടയിലെത്തിയ ആളാണ് ഈ ക്രൂര ദൃശ്യങ്ങള് മൊബൈല് ഫോണില് പകര്ത്തിയത്.
സാധാരണ തല അറുത്ത് കൊലപ്പെടുത്തിയ ശേഷമാണ് കോഴിയുടെ തൊലിയുരിച്ച് കഷണങ്ങളാക്കുക. എന്നാല് മനു ജീവനുള്ള കോഴിയുടെ തൊലിയുരിച്ച് കാലും ചിറകും അറുത്ത് മാറ്റിയ ശേഷമാണ് കഴുത്ത് അറുത്ത് മാറ്റിയത്.