കാസര്കോട് ജില്ലയിലെ കുണ്ടംകുഴിക്ക് അടുത്ത് പയസ്വിനി പുഴയില് മൂന്ന് പേര് മുങ്ങി മരിച്ചു. പുഴയില് കുളിക്കാനിറങ്ങിയ ഇവര് ചുഴിയില്പ്പെടുകയായിരുന്നു. ദമ്പതികളായ നിതിന്(38), ദീക്ഷ(30) എന്നിവരും ഇവരുടെ ബന്ധുവായ മനീഷ്(16) എന്നിവരാണ് മരിച്ചത്.
. കര്ണാടക സ്വദേശികളും തോണിക്കടവില് താമസക്കാരുമാണ് ഇവരെന്നാണ് വിവരം. അഗ്നി രക്ഷാ സേനയും നാട്ടുകാരും സ്ഥലത്ത് രക്ഷാപ്രവര്ത്തനം നടത്തിയെങ്കിലും ദീര്ഘനേരം പരിശ്രമിച്ച ശേഷമാണ് മൂവരെയും കണ്ടെത്തിയത്. അപ്പോഴേക്കും മരണം സംഭവിച്ചിരുന്നു. മൃതദേഹങ്ങള് മോര്ച്ചറിയിലേക്ക് മാറ്റി.