തന്റെ യാത്രകള്ക്ക് വാഹനവ്യൂഹം ആവശ്യമില്ലെന്ന് പ്രഖ്യാപിച്ചതിന് പിന്നാലെ പുതിയ പ്രഖ്യാപനവുമായി യുഡിഎഫ് സർക്കാർ. യുഡിഎഫ് സര്ക്കാരില് മന്ത്രിമാര് പഴയ കാര് ഉപയോഗിക്കും. വി എന് വാസവന് ഉപയോഗിച്ച കാര് ആകും മുഖ്യമന്ത്രി ഉപയോഗിക്കുക. മറ്റു മന്ത്രിമാര്ക്കും പുതിയ കാര് വാങ്ങില്ല. ചെലവ് ചുരുക്കലിന്റെ ഭാഗമായാണ് നടപടി.
പൈലറ്റും എസ്കോര്ട്ടും ഒഴികെ മറ്റ് വാഹനങ്ങള് വേണ്ടെന്ന് നിര്ദേശിച്ചതിന് പിന്നാലെ ക്ലിഫ് ഹൗസ് മോടി പിടിപ്പിക്കില്ലെന്ന തീരുമാനം കൂടി നിയുക്ത മുഖ്യമന്ത്രി വി ഡി സതീശന് കൈക്കൊണ്ടുവെന്ന് ഇന്നലെ റിപ്പോര്ട്ടുകളുണ്ടായിരുന്നു. ചിലവ് ചുരുക്കലിന്റെ ഭാഗമായാണ് തീരുമാനം. അറ്റകുറ്റ പണികള് മാത്രം മതിയെന്ന് വി ഡി സതീശന് നിര്ദേശം നല്കി. മന്ത്രി മന്ദിരങ്ങളിലും കൂടുതല് പണം ചിലവഴിച്ചു മോടി പിടിപ്പിക്കില്ല.
യാത്ര പോകുമ്പോള് നാട്ടുകാരെ ബുദ്ധിമുട്ടിക്കരുതെന്നും, റോഡ് ബ്ളോക് ചെയ്യരുതെന്നും ഉന്നത പൊലീസ് ഉദ്യോഗസ്ഥര്ക്ക് ഇന്നലെ നിയുക്ത മുഖ്യമന്ത്രി നിര്ദ്ദേശം നല്കിയിരുന്നു. എസ്കോര്ട്ടും വേണ്ടെന്ന നിലപാടും വി ഡി സതീശന് സ്വീകരിച്ചെങ്കിലും പൊലീസ് അംഗീകരിച്ചില്ല. ഇതിന് പിന്നാലെയാണ് വാഹനങ്ങളുടെ കാര്യത്തിലെ തീരുമാനം.