ആഴക്കടൽ മത്സ്യബന്ധനവുമായി ബന്ധപ്പെട്ട വിവാദ ധാരണപത്രം റദ്ദാക്കാന് സംസ്ഥാന സര്ക്കാർ തീരുമാനിച്ചതായി റിപ്പോർട്ട്. ധാരണപത്രം റദ്ദാക്കാനും കേരള ഷിപ്പിങ് ആന്ഡ് ഇന്ലാന്ഡ് നാവിഗേഷന് ഉദ്യോഗസ്ഥര്ക്കെതിരേ അന്വേഷണം നടത്താനും മുഖ്യമന്ത്രി പിണറായി വിജയന് നിര്ദേശം നല്കിയതായാണ് വിവരം. ധാരണപത്രം സംബന്ധിച്ച് പുനഃപരിശോധന നടത്തുമെന്ന് കഴിഞ്ഞ ദിവസം മുഖ്യമന്ത്രി വാര്ത്താസമ്മേളനത്തില് വ്യക്തമാക്കിയിരുന്നു.
ആഴക്കടല് മത്സ്യബന്ധനത്തിന് സംസ്ഥാന സര്ക്കാരോ ഏതെങ്കിലും വകുപ്പുകളോ അനുമതി നല്കുകയോ ധാരണപത്രം ഒപ്പിടുകയോ ചെയ്തിട്ടില്ലെന്ന് മുഖ്യമന്ത്രി ഇന്നലെ പറഞ്ഞിരുന്നു. ഏതെങ്കിലും ഒരു കമ്പനിയോ പൊതുമേഖലാ സ്ഥാപനമോ അത്തരമൊരു ധാരണപത്രം ഒപ്പിട്ടിട്ടുണ്ടെങ്കില് അത് പിന്നീടാണ് സര്ക്കാരിന്റെ പരിഗണനയ്ക്ക് വരുമെന്നും അപ്പോഴാണ് നിയമപരമായ പരിശോധന നടത്തുകയെന്നും മുഖ്യമന്ത്രി വ്യക്തമാക്കിയിരുന്നു.