കൊച്ചി മുനമ്പത്തുനിന്ന് കടലില്പോയ ബോട്ട് കണ്ണൂര് തീരത്ത് കടലില് മുങ്ങി. ഷൈജ എന്ന ബോട്ടാണ് മുങ്ങിയത്. ബോട്ടിലുണ്ടായിരുന്ന 13 മല്സ്യത്തൊഴിലാളികളെയും രക്ഷപ്പെടുത്തി.
കണ്ണൂര് തീരത്തുനിന്ന് 67 നോട്ടിക്കല് മൈല് അകലെയാണ് അപകടമുണ്ടായത്. അപകടം കണ്ടെത്തിയ മറ്റൊരു മത്സ്യബന്ധന ബോട്ടായ ‘മദര് ഇന്ത്യ’യിലെ തൊഴിലാളികളാണ് മുങ്ങിയ ബോട്ടിലുണ്ടായിരുന്ന 13 പേരെയും രക്ഷപ്പെടുത്തിയത്.
20 ദിവസം മുന്പാണ് ഷൈജ എന്ന ബോട്ട് മത്സ്യബന്ധനത്തിനു പോയത്. ആദ്യ ദിവസങ്ങളില് എന്ജിന്റെ തകരാറ് ശ്രദ്ധയില്പ്പെട്ടിരുന്നു. പിന്നീട് തകരാറ് പരിഹരിച്ച ശേഷം യാത്ര പുനരാരംഭിച്ചു. എന്നാല് ഇന്നലെ പുലര്ച്ചയോടെ ബോട്ടില് വെള്ളം കയറാന് തുടങ്ങി.
വെള്ളം കയറുന്ന ദ്വാരം അടയ്ക്കാന് തൊഴിലാളികള്ക്കു കഴിയാതെ വന്നതോടെ ഇന്നലെ വൈകിട്ട് മൂന്നോടെ ബോട്ട് പൂര്ണമായും കടലില് മുങ്ങുകയായിരുന്നു.