സംസ്ഥാനത്ത് നാളെ മുതല് ഒറ്റപ്പെട്ട സ്ഥലങ്ങളില് വേനല് മഴ ലഭിക്കുമെന്ന് കാലാവസ്ഥാ പ്രവചനം. അന്തരീക്ഷ ആര്ദ്രത കൂടുതലുള്ള പ്രദേശങ്ങളില് മഴ ലഭിക്കും. തെക്കന്കേരളത്തിലാണ് മഴയ്ക്ക് കൂടുതല് സാദ്ധ്യത.
നാളെ വൈകീട്ടോടെ തിരുവനന്തപുരത്തെ മലയോര മേഖലകളില് മഴക്ക് സാദ്ധ്യതയുണ്ട്. കണ്ണൂര്, വയനാട് വനമേഖലകളിലും മഴ പെയ്തേക്കും. മലപ്പുറം, പാലക്കാട് ജില്ലകളിലെ അതിര്ത്തിയിലും മഴ പെയ്തേക്കും. ഇടുക്കി, കോട്ടയം, പത്തനംതിട്ട ജില്ലകളിലും മഴ ലഭിക്കും.
തിരുവനന്തപുരം, കൊല്ലം, ആലപ്പുഴ ജില്ലകളിലെ തീരദേശ മേഖലയിലും മഴക്ക് സാധ്യതയുണ്ട്. മാര്ച്ച് 20 വരെ ശരാശരി വേനല്മഴ ലഭിച്ചേക്കും.
അടുത്തയാഴ്ചയോടെ ബംഗാള് ഉള്ക്കടലില് ന്യൂനമര്ദ്ദം രൂപപ്പെടും. അതോടെ സംസ്ഥാനത്തൊട്ടാകെ വേനല്മഴ ലഭിക്കാന് സാദ്ധ്യതയുണ്ടെന്നും കാലാവസ്ഥാ വകുപ്പ് പ്രവചിക്കുന്നു.