കണ്ണൂർ പാനൂരില്‍ രണ്ട് സ്റ്റീൽ ബോംബുകൾ കണ്ടെത്തി. പാനൂരിലെ ചെണ്ടയാടെന്ന പ്രദേശത്ത കാട് വെട്ടിത്തെളിക്കാന്‍ എത്തിയവരാണ് സ്റ്റീല്‍ ബോംബ് കാണുന്നത്. തുടര്‍ന്ന് പൊലീസില്‍ വിവരം അറിയിക്കുകയായിരുന്നു. കഴിഞ്ഞ വർഷം ഏപ്രിലിൽ ബോംബ് സ്ക്വാഡ് വ്യാപക പരിശോധന നടത്തിയ സ്ഥലമാണിത്.
കഴിഞ്ഞ വര്‍ഷം ഏപ്രിലില്‍ ഈ പ്രദേശത്ത് ബോംബ് നിര്‍മ്മാണത്തിനിടെ ഒരാള്‍ മരിക്കുകയും മൂന്ന് പേര്‍ക്ക് പരിക്കേല്‍ക്കുകയും ചെയ്തിരുന്നു. ഇതിനെ തുടർന്നാണ് ബോംബ് സ്ക്വാഡ് പ്രദേശത്ത് വ്യാപക പരിശോധന നടത്തിയത്.
