എസ്എസ്എൽസി, പ്ലസ് ടു പരീക്ഷാ തിയതികൾ പ്രഖ്യാപിച്ചു; ആകെ 3000 പരീക്ഷ കേന്ദ്രങ്ങൾ

എസ്എസ്എൽസി, പ്ലസ് ടു പരീക്ഷാ തിയതികൾ പ്രഖ്യാപിച്ച് വിദ്യാഭ്യാസ മന്ത്രി വി ശിവൻകുട്ടി. എസ്എസ്എൽസി പരീക്ഷ 2026 മരിച്ച 5 ന് ആരംഭിക്കും. എസ്എസ്എൽസി ഫലം മെയ് 8 ന് പ്രഖ്യാപിക്കും. രാവിലെ 9:30 മുതൽ പരീക്ഷ ആരംഭിക്കും. ആകെ 3000 പരീക്ഷ കേന്ദ്രങ്ങൾ ഉണ്ടെന്ന് മന്ത്രി അറിയിച്ചു. 2026 മാർച്ച് 5 ന് തുടങ്ങി മാർച്ച് 30 വരെയാണ് എസ്എസ്എൽസി പരീക്ഷ നടക്കുക. മാർച്ച് 5 മുതൽ 27 വരെ ഹയർ സെക്കൻ്ററി ഒന്നാം വർഷ പരീക്ഷകളും, രണ്ടാം വർഷം മാർച്ച് 6 മുതൽ 28 വരെയും നടക്കും. ഒന്നാംവർഷ പരീക്ഷ ഉച്ചയ്ക്ക് 1.30നും രണ്ടാം വർഷ പരീക്ഷ രാവിലെ 9.30 നും ആരംഭിക്കുമെന്നും സംസ്ഥാനത്ത് 3000 പരീക്ഷ കേന്ദ്രങ്ങളിലാണ് പരീക്ഷ നടക്കുകയെന്നും മന്ത്രി വാർത്താസമ്മേളനത്തിൽ വ്യക്തമാക്കി.