ലോക്സഭ തിരഞ്ഞെടുപ്പിന്റെ വോട്ടെണ്ണല് നാളെ നടക്കാനിരിക്കെ വടകരയില് പ്രത്യേക സേനാവിന്യാസം. അതീവ പ്രശ്ന ബാധിത മേഖലകളില് കൂടുതല് പൊലീസിനെ വിന്യസിക്കുമെന്ന് ജില്ലാ കലക്ടര് അറിയിച്ചു. വടകരയിലെ വിജയാഹ്ലാദ പരിപാടികള് നേരത്തെ അറിയിക്കണമെന്നും നിര്ദേശത്തില് പറയുന്നു. ഇന്ന് വൈകിട്ട് മുതല് നാളെ വൈകിട്ട് വരെ വോട്ടെണ്ണല് കേന്ദ്രത്തിന് സമീപം നിരോധനാജ്ഞയും പ്രഖ്യാപിച്ചു.
വന് സുരക്ഷസംവിധാനമാണ് വോട്ടെണ്ണലിനോട് അനുബന്ധിച്ച് രാജ്യമെങ്ങും ഒരുക്കിയിട്ടുള്ളത്. ജില്ലാ വരണാധികാരികള്ക്ക് തിരഞ്ഞെടുപ്പ് കമ്മീഷൻ പ്രത്യേക മാര്ഗ നിര്ദേശങ്ങള് നല്കി. രാവിലെ എട്ടുമണിയോടെ വോട്ടെണ്ണല് ആരംഭിക്കും. മണിക്കൂറുകൾക്കകം തന്നെ ലീഡ് നിലയും ട്രെൻഡും അറിയാനാകും.