ടി.പി ചന്ദ്രശേഖരൻ കൊലക്കേസ് പ്രതി മുഹമ്മദ് ഷാഫിയെ വാഴ്ത്തിയുള്ള പാട്ട് സാമൂഹിക മാധ്യമങ്ങളിൽ വൈറലാവുന്നു.
തന്നെ പുകഴ്ത്തുന്ന പാട്ട് ഷാഫി തന്നെയാണ് ഫെയ്സ്ബുക്കിൽ പങ്കുവെച്ചിരിക്കുന്നത്. ഈ പാട്ട് ആസ്വദിച്ച് കേട്ടുകൊണ്ട് സമീപത്ത് തന്നെ ഇയാൾ ഇരിക്കുന്നതും വീഡിയോയിൽ കാണാം. ഒരു സ്വകാര്യ ചടങ്ങിലാണ് ഷാഫിയുടെ സുഹൃത്ത് ഈ പാട്ട് പാടുന്നത്. വീഡിയോ വൈറലായതോടെ നിരവധി പേരാണ് ഇതിനെതിരെ വിമർശനം ഉന്നയിച്ചിരിക്കുന്നത്.
ടി.പി വധക്കേസിലെ പ്രതികൾക്ക് അനധികൃതമായി പരോൾ നൽകുന്നതായി മുമ്പ് എംഎൽഎയും ടി.പി ചന്ദ്രശേഖരന്റെ ഭാര്യയുമായ കെ.കെ രമ ആരോപിച്ചിരുന്നു. എൽ.ഡി.എഫ് സർക്കാരിനും മുഖ്യമന്ത്രി പിണറായി വിജയനും വേണ്ടപ്പെട്ടവർ ആയതിനാലാണ് അനധികൃത പരോൾ നൽകുന്നതെന്നായിരുന്നു കെ.കെ രമയുടെ ആരോപണം.