മല്ലു ട്രാവലര് എന്ന പേരില് അറിയപ്പെടുന്ന ഷാക്കിര് സുബാന് വീഡിയോയില് ഉയര്ത്തിയ ആരോപണങ്ങള്ക്ക് മറുപടിയുമായി പീഡന പരാതി നല്കിയ സൗദി യുവതി. തന്റെ യുട്യൂബ് അക്കൗണ്ടിലൂടെ പുറത്തുവിട്ട വീഡിയോയിലാണ് മല്ലു ട്രാവലറിനെതിരെ അവര് ഗുരുതര ആരോപണങ്ങള് ഉയര്ത്തിയിരിക്കുന്നത്. ഒരു മീറ്റിംഗിനായി തന്നെ കൊച്ചിയിലെ ഹോട്ടലിലേക്ക് ക്ഷണിക്കുകയായിരുന്നു. തുടര്ന്ന് ശാരീരികമായി പീഡിപ്പിക്കുകയായിരുന്നുവെന്നുമാണ് യുവതി വീഡിയോയില് പറയുന്നത്.
‘മല്ലു ട്രാവലര് എന്നറിയപ്പെടുന്ന ഷാക്കിര് സുബാന് എന്നെയും പങ്കാളി ജിയാനെയും ഒരു മീറ്റിംഗിനായി കൊച്ചിയിലെ ഹോട്ടലിലേക്ക് വിളിച്ച് വരുത്തുകയായിരുന്നു. ഞാന് മാത്രമാണ് മുറിയുടെ അകത്തേക്ക് പോയത്, പങ്കാളി പുറത്തുനിന്നു. അവിടെ വച്ച് ഷാക്കിര് എന്നോട് മോശമായി പെരുമാറി. എന്നെ കിടക്കയിലേക്ക് തള്ളിയിട്ട്, ശാരീരികമായി ആക്രമിച്ചു. പ്രതിരോധിക്കാന് ശ്രമിച്ചെങ്കിലും വീണ്ടും അയാള് അതിക്രമങ്ങള് തുടര്ന്ന് കൊണ്ടേയിരുന്നു.
എന്തിനാണ് അനുവാദമില്ലാതെ എന്റെ ശരീരത്തില് തൊടുന്നതെന്ന് ഞാന് ചോദിച്ചു. താനൊരു പുരുഷനാണെന്നും തനിക്ക് വികാരങ്ങള് ഉണ്ടെന്നുമായിരുന്നു അയാളുടെ മറുപടി. വീണ്ടും സ്വകാര്യഭാഗത്ത് സ്പര്ശിച്ചു. അവിടെ നിന്ന് പുറത്തുകടന്ന ഞാന് പങ്കാളിയേയും കൂട്ടി തിരികെ മുറിയിലേക്ക് പോകാമെന്ന് പറഞ്ഞു. സംഭവിച്ചതെന്താണെന്ന് ഞാന് അപ്പോള് പറഞ്ഞില്ല. ഷാക്കിറുമായി പ്രശ്നമുണ്ടാക്കും എന്നറിയാവുന്നതുകൊണ്ടായിരുന്നു അത്. തിരിച്ച് ഞങ്ങളുടെ ഹോട്ടലില് എത്തിയ ശേഷമാണ് ജിയാനോട് സംഭവിച്ചതെല്ലാം തുറന്നുപറഞ്ഞത്. പിന്നാലെ ഡല്ഹിയിലെ സൗദി എംബസിയിലും മുംബൈയിലെ സൗദി കോണ്സുലേറ്റിലും വിവരമറിയിച്ചു. എറണാകുളത്ത് പൊലീസിലും പരാതി നല്കി.
ഞാനൊരു നിയമബിരുദധാരിയാണ്. ഒരാളുടെ ശരീരത്തിലും അവരുടെ അനുവാദമില്ലാതെ സ്പര്ശിക്കാന് ആര്ക്കും അനുമതിയില്ല. അതിഥി ദേവോ ഭവ എന്നാണ് ഇന്ത്യക്കാര് അതിഥികളെ കണക്കാക്കുന്നത്. ഇതാദ്യമായാണ് എനിക്കിങ്ങനെ ഒരനുഭവം ഉണ്ടാകുന്നത്. കേരളത്തിലുള്ളവരോട്, പ്രത്യേകിച്ച് പെണ്കുട്ടികളോട് എനിക്ക് പറയാനുള്ളത് നിങ്ങള്ക്ക് ഇങ്ങനെയൊരു അനുഭവമുണ്ടായാല് മടിച്ചുനില്ക്കരുത്, അത് തുറന്നുപറയാനും പൊലീസില് പരാതി നല്കാനും തയ്യാറാകണമെന്നും സൗദി യുവതി പുറത്തുവിട്ട വീഡിയോയില് പറയുന്നു.
സൗദി യുവതി പൊലീസില് പരാതി നല്കിയതിന് പിന്നാലെ ഇതെല്ലാം നിഷേധിച്ച് കൊണ്ട് മല്ലു ട്രാവലര് ഝരു വീഡിയോ പുറത്തുവിട്ടിരുന്നു. സൗദി യുവതി തന്റെ അടുത്ത് ജോലി അന്വേഷിച്ചാണ് എത്തിയയത്. എറണാകുളത്തെ അബാദ് ഹോട്ടലില് എത്തിയത് യുവതി ഒറ്റയ്ക്കല്ലന്നും ഷക്കീര് പറഞ്ഞു.. യുവതിയും ഭര്ത്താവും ഒരുമിച്ചെത്തി അവര് പിരിയുമെന്ന് പറഞ്ഞാണ് തന്നെ കണ്ടെതെന്നും സാമ്പത്തികമായി തന്നോട് സഹായം ചോദിച്ചു.
കൊച്ചി ഹയാത്തില് വച്ചാണ് ആദ്യമായി കണ്ടുമുട്ടിയത്. അന്ന് കൂടെയുള്ള പയ്യന് നമ്പര് കൊടുത്തു. അവനിടയ്ക്കിയ്ക്ക് മെസേജ് അയച്ചു. ആ യുവതിയോട് അന്നും ഇന്നും മെസേജ് അയക്കുകയോ ഫോണ് വിളിക്കുകയോ ഒന്നും ചെയ്തിട്ടില്ല. പിന്നീട് അവര് എന്റെ വീട്ടിലും വന്നിട്ടുണ്ട്. അതിനിടെ കൊച്ചിയില് ഇന്ഫ്ലുവന്സര്മാരുടെ ഒരു യോഗത്തിന് എത്തിയപ്പോള് ഇവര് എന്നെ കാണാന് വരട്ടെ എന്ന് ചോദിച്ചു. എന്നാല് ഞാന് തിരക്കിലാണ് എന്ന് പറഞ്ഞു. എന്നാല് രണ്ടുപേരും കൂടി കുറച്ചുസമയത്തിന് ശേഷം എന്റെ റൂമില് വന്നു. സാമ്പത്തികമായി സഹായം ചോദിക്കാനാണ് വന്നത്. യുവതി നാട്ടില് വന്നപ്പോള് കൊണ്ടുവന്ന പൈസയെല്ലാം തീര്ന്നു. യുവാവ് ഒരു പണിക്കും പോകുന്നില്ല. അത് ഡിസ്കസ് ചെയ്യാനാണ് വന്നത്.
അവര് നിയമപരമായി വിവാഹം കഴിച്ചിട്ടില്ല എന്നാണ് ഞാന് അറിഞ്ഞത്.
അവന് പറഞ്ഞത് എനിക്ക് യുവതിയോടൊപ്പമുള്ള ജീവിതം മതിയായി. യൂറോപ്പിലെ എന്റെ ഗേള്ഫ്രണ്ടിന്റെ കൂടെ പോകും. ഞാന് ജോലിക്ക് പോകില്ല, എന്നെല്ലാമാണ്. നിന്നെ വിശ്വസിച്ച് വന്ന പെണ്ണല്ലെ എന്നു വരെ ഞാന് പറഞ്ഞു. അവരെ പലതും പറഞ്ഞ് ഞാന് ഉപദേശിച്ചു. അപ്പോള് യുവതി എന്നോട് പെഴ്സണലായി സംസാരിക്കണം എന്ന് പറഞ്ഞു. പിന്നാലെ അവന് റൂമിന് പുറത്തു നിന്നു. റൂമിന്റെ വാതില് ഒന്നും അടച്ചിരുന്നില്ല. പെണ്കുട്ടി പറഞ്ഞത് ഇതാണ് എനിക്ക് ഇവനെ മടുത്തു. ഞാന് സൗദിയിലേക്ക് മടങ്ങുകയാണ്. താങ്കള് എനിക്കൊരു ജോലി ശരിയാക്കി തരണം. അത് അനുസരിച്ച് ഞാന് എന്റെ സുഹൃത്തിനെ വിളിച്ച് കാര്യം പറഞ്ഞു. അവരുടെ സിവി അപ്പോള് തന്നെ അയക്കുകയും ചെയ്തു. അതിന്റെ സ്ക്രീന് ഷോട്ടുകളും ഉണ്ട്.
രണ്ടുപേരും മടുത്തു എന്നാണ് പറഞ്ഞത്. എനിക്ക് സോഷ്യല് മീഡിയയില് റീച്ച് വേണം, ഫെയിമസാകണം അതിനു വേണ്ടിയാണ് ഞാന് അവനെ കല്യാണം കഴിച്ചത് എന്നാണ് യുവതി പറഞ്ഞത്. അവര് പിരിയും എന്നുള്ള കാര്യം ഉറപ്പാണ്. അവര് മാനസികമായി വളരെ വിഷമത്തില് ആയതിനാല് രണ്ടുപേരെയും ഒരു നൈറ്റ് ഡ്രൈവിന് ഞാന് ക്ഷണിച്ചു. കുറച്ചുനേരം വണ്ടിയെടുത്ത് കറങ്ങിയ ശേഷം ഹോട്ടലിന്റെ ലോബിയില് തന്നെ അവരെ ഇറക്കി വിട്ടു. ഞാന് ബൈ പറഞ്ഞു പോയി. ഇതാണ് അന്ന് സംഭവിച്ചതെന്ന് മല്ലു ട്രാവലര് പുറത്തിറക്കിയ വീഡിയോയില് പറയുന്നു.
ഇവര് രണ്ടുപേരും വന്നതും പോയതും ഒരുമിച്ചാണ്. ഞാന് പീഡിപ്പിച്ചെങ്കില് അവരെ അതിന് ശേഷം ഞാന് നൈറ്റ് ഡ്രൈവിന് കൊണ്ടുപോകണോയെന്ന് അദേഹം ചോദിച്ചു. ഞങ്ങള് ഒരു മിനിറ്റ് സംസാരിച്ചു ഒറ്റയ്ക്ക്. അപ്പോഴാണ് പീഡിപ്പിച്ചതെങ്കില് അവള്ക്ക് ബഹളം വെക്കാമായിരുന്നില്ലേ. അന്നൊന്നും പരാതി നല്കാതെ ഇപ്പഴാണോ പരാതി നല്കുന്നത്. പൈസയ്ക്കും റീച്ചിനും വേണ്ടിയാണ് ഇതെല്ലാം ചെയ്യുന്നതെന്നും മല്ലു ട്രാവലര് പറഞ്ഞു.
ഹോട്ടലില് സിസിടിവി ഉണ്ട്. ഇവര് രണ്ടുപേരും സോഷ്യല് മീഡിയയില് മാത്രമാണ് ചിരിച്ചും കളിച്ചും നില്ക്കുന്നത്. അവര് രണ്ടുപേരും ഫേക്കാണ്. ഇതൊരു ഹണിട്രാപ്പ് ആയിരുന്നോയെന്നും സംശയം ഉണ്ടെന്ന് മല്ലു ട്രാവലര് പറഞ്ഞു. ഞാന് കാനഡയിലാണ് വന്നതിന് ശേഷം എല്ലാം വിശദമാക്കുമെന്ന് ഷക്കീര് സുബാന് പുറത്തിറക്കിയ വീഡിയോയില് പറയുന്നു.