–
തിരുവനന്തപുരം മ്യുസിയം വളപ്പില്‍ സവാരിക്കിറങ്ങിയ യുവതിക്ക് നേരെ ലൈംഗികാതിക്രമം നടത്തിയസംഭവത്തില്‍ ജലവിഭവ വകുപ്പ് മന്ത്രി റോഷി അഗസ്റ്റിന്റെ പ്രൈവറ്റ് സെക്രട്ടറിയുടെ ഡ്രൈവര്‍ പിടിയില്‍. തിരുവനന്തപുരം മലയന്‍കീഴ് ്‌സ്വദേശിയായ ഇയാളെ ചോദ്യം ചെയ്ത് വരികയാണ്.
ആറ് ദിവസം മുമ്പെ നടന്ന സംഭവമായിട്ടും പ്രതിയെ പിടികൂടാന്‍ പൊലീസിന് കഴിയാഞ്ഞത് വന്‍ വിമര്‍ശനം ഉയര്‍ത്തിയിരുന്നു. മു്യസിയം പൊലീസ് സ്റ്റേഷന് തൊട്ടടുത്താണ് ഈ സംഭവം നടന്നത്. വെളുപ്പിന് നാലേ മുക്കാലോടെ മു്യുസിയത്തില്‍ നടക്കാനിറങ്ങിയപ്പോഴാണ് തനിക്കെതിരെ ലൈംഗികാതിക്രമം നടന്നതെന്ന് യുവതി പറഞ്ഞിരുന്നു. കാറില്‍ വന്നിറങ്ങിയ ഒരാള്‍ തന്നെ ആക്രമിക്കാന്‍ ശ്രമിച്ചുവെന്നായിരു്ന്നു യുവതിയുടെ പരാതി.
സംഭവത്തില്‍ പ്രതിയുടെ രേഖാ ചിത്രം പൊലീസ് തെയ്യാറാക്കുകയും പുറത്ത് വിടുകയും ചെയ്തിരൂന്നു. സംശയമുള്ളവരെ മുഴുവന്‍ പൊലീസ് സ്റ്റേഷനിലെത്തിച്ച് ചോദ്യം ചെയ്യുകയും ചെയ്തിരുന്നു. തിരിച്ചറിയല്‍ പരേഡില്‍ തനിക്ക് നേരെ ലൈംഗികാതിക്രമം നടത്തിയ ആള്‍ ഇല്ലന്നെ യുവതി പറഞ്ഞതിനെ തുടര്‍ന്ന് ഇവരെയെല്ലാം വിട്ടയിച്ചിരുന്നു.