വിദ്യാർത്ഥികൾക്ക് നേരെ ലൈംഗികാതിക്രമം നടത്തിയ കലാമണ്ഡലം അധ്യാപകനെതിരെ പോകസോ കേസ്. ദേശമംഗലം സ്വദേശിയായ അധ്യാപകൻ കനകകുമാറിനെതിരെയാണ് പൊലീസ് പോക്സോ കേസ് എടുത്തത്. തൃശൂരിലെ കേരള കലാമണ്ഡലത്തിലെ വിദ്യാർത്ഥികൾക്ക് നേരെയാണ് ഇയാൾ ലൈംഗിക അതിക്രമം നടത്തിയത്.
കേരള കലാമണ്ഡലം കൈമാറിയ പരാതിയിന്മേലാണ് അധ്യാപകനെതിരെ പോക്സോ കേസെടുത്തത്. വിദ്യാർത്ഥികളുടെ പരാതിയുടെ അടിസ്ഥാനത്തിൽ അധ്യാപകനെ വൈസ് ചാൻസലർ സസ്പെൻഡ് ചെയ്തു. ദേശമംഗലം സ്വദേശിയായ അധ്യാപകൻ കുട്ടികളോട് ലൈംഗികാതിക്രമം നടത്തുകയായിരുന്നു എന്നാണ് പരാതി.
സംഭവത്തിൽ കലാമണ്ഡലം പ്രാഥമിക അന്വേഷണം നടത്തി. പരാതിയിൽ കഴമ്പുണ്ടെന്ന് കണ്ടെത്തിയതോടെ ചെറുതുരുത്തി പൊലീസിന് പരാതി കൈമാറുകയായിരുന്നു.