കൊല്ലം മൈനാഗപ്പള്ളി ആനൂർക്കാവിൽ സ്കൂട്ടർ യാത്രികരെ ഇടിച്ചുവീഴ്ത്തിയ സംഭവത്തിന്റെ ഞെട്ടിക്കുന്ന ദൃശ്യങ്ങൾ പുറത്ത്. സ്കൂട്ടറിൽ നിന്ന് താഴെ വീണ സ്ത്രീയുടെ ശരീരരത്തിലൂടെ കാർ ഓടിച്ചുകയറ്റിയ ആൾ രക്ഷപെടുകയും ചെയ്തിരിക്കുകയാണ്. അപകടത്തിൽ ഗുരുതരമായി പരുക്കേറ്റ് ചികിത്സയിലായിരുന്ന മൈനാഗപ്പള്ളി സ്വദേശിനി കുഞ്ഞുമോൾ (45) മരിച്ചു. സ്കൂട്ടർ ഓടിച്ച ഫൗസിയക്കും പരിക്ക് പറ്റിയിട്ടുണ്ട്. കാർ ഓടിച്ച അജ്മൽ എന്ന വ്യക്തി നിലവിൽ ഒളിവിലാണ്. അദ്ദേഹത്തിനായിട്ടുള്ള തിരച്ചിൽ പൊലീസ് ഊർജിതമാക്കിയിട്ടുണ്ട്.
കാറിൽ അജ്മലിനൊപ്പം ഉണ്ടായിരുന്ന യുവ വനിതാ ഡോക്ടറെ പൊലീസ് കസ്റ്റഡിയിൽ എടുത്തു. കാറിടിച്ച് സ്കൂട്ടർ യാത്രിക വീണപ്പോൾ അവരെ രക്ഷപെടുത്താൻ തയാറാകാതെ അജ്മൽ കാർ കുഞ്ഞുമോളുടെ ശരീരത്തിലൂടെ കയറ്റിറക്കുക ആയിരുന്നു. യുവതി താഴെ വീണപ്പോൾ തന്നെ അടുത്തുണ്ടായിരുന്ന നാട്ടുകാർ ബഹളം വെച്ച് കാർ നിർത്താൻ ആവശ്യപ്പെടുക ആയിരുന്നു. ഡ്രൈവർ അതൊന്നും ശ്രദ്ധിക്കാതെ കാർ ഓടിച്ച് മുന്നോട്ട് പോയി. ഒടുവിൽ അവർ തന്നെയാണ് യുവതിയെ ഹോസ്പിറ്റലിൽ എത്തിച്ചത്.
കാർ നാട്ടുകാർ പിടികൂടിയെങ്കിലും അജ്മൽ രക്ഷപെട്ടു. കാറിൽ ഉണ്ടായിരുന്ന യുവതിയെ പൊലീസ് ചോദ്യം വരുന്നു. ഇവരുടെ സുഹൃത്താണ് അജ്മൽ.