സഹോദരന്‍ ശ്രീജീവിന്റെ ഘാതകരെ കണ്ടെത്താനുള്ള അന്വേഷണം സിബിഐ ഏറ്റെടുക്കണമെന്നാവശ്യപ്പെട്ട് ശ്രീജിത്ത് നടത്തുന്ന സമരത്തിന് പിന്തുണയുമായി നടന്‍ സന്തോഷ് പണ്ഡിറ്റും എത്തി.
അപാരമായ ക്ഷമയും,സഹന ശക്തിയും കാണിക്കുന്ന ശ്രീജിത്തിനും അമ്മക്കും ഈ സമരം ഒരു വീജയത്തില്‍ എത്തിക്കുവാന്‍ സാധിക്കട്ടെ എന്നു ആശംസിച്ച് ഫെയ്‌സ്ബുക്ക് വഴിയാണ് ശ്രീജിത്തിനെ സന്ദര്‍ശിച്ച കാര്യം സന്തോഷ് പണ്ഡിറ്റ് അറിയിച്ചത്.
ശ്രീജിത്തിന്റെ സമരത്തെ പിന്തുണയ്ക്കുന്നവര്‍ക്ക്് അഭിവാദ്യമര്‍പ്പിക്കാനും താരം മറന്നില്ല. ഇനിയും ഈ നാട്ടില്‍ നടക്കുന്ന നീതിക്കൂ വേണ്ടിയുള്ള എല്ലാ സമരത്തിലും, ഞാനും സാധാരണണക്കാരുടേയും, പാവപ്പെട്ടവരുടേയും കൂടെ ഉണ്ടാകും. എന്നാലാകുന്ന സകല സഹായങ്ങളും ചെയ്തു തരുമെന്നും അദ്ദേഹം ഫെയ്‌സ്ബുക്കില്‍ വ്യക്തമാക്കി.
സന്തോഷ് പണ്ഡിറ്റിന്റെ ഫെയ്‌സ്ബുക്ക് പോസ്റ്റിന്റെ പൂര്‍ണ രൂപം;-തിരുവനന്തപുരത്ത് നിരാഹാര സമരം തുടരുന്ന ശ്രീജിത്തിനെ കാണുവാനും, അഭിവാദൃം അർപ്പിക്കാനും ഞാൻ നേരിൽ ചെന്നു…Bangalore, Mysore ഭാഗങ്ങളിലെ “ഉരുക്കു സതീശൻ” സിനിമയുടെ shooting തല്കാലം മാറ്റി വെച്ചാണ് ചെന്നത്. ശ്രീജിത്തിനും അമ്മക്കും കുറേ നല്ല നിമിഷങ്ങൾ നല്കുവാൻ സാധിച്ചു എന്നു കരുതുന്നു….അപാരമായ ക്ഷമയും, സഹന ശക്തിയും കാണിക്കുന്ന ശ്രീജിത്തിനും അമ്മക്കും ഈ സമരം ഒരു വീജയത്തിൽ എത്തിക്കുവാൻ സാധിക്കട്ടെ എന്നു ആശംസിക്കുന്നു…
കുറച്ചു സമയം അവരോടൊപ്പം ഞാൻ ചെലവഴിച്ചു…ഇരുവരും എന്നോട് കുറെ നേരം സംസാരിച്ചു…ഈ സമരത്തിനു കട്ടക്കു support ചെയ്യുന്ന Facebook കൂട്ടായ്മക്കും, justice for sreejith forum ത്തിനും, മറ്റു സാധാരണണക്കാർക്കും നൂറു കോടി അഭിവാദൃങ്ങൾ…പ്രമുഖനല്ല എന്ന ഒരൊറ്റ കാരണത്താൽ നാം ആരേയും ഒറ്റപ്പെടുത്തരുത്..ഇനിയും ഈ നാട്ടിൽ നടക്കുന്ന നീതിക്കൂ വേണ്ടിയുള്ള എല്ലാ സമരത്തിലും, ഞാനും സാധാരണണക്കാരുടേയും, പാവപ്പെട്ടവരുടേയും കൂടെ ഉണ്ടാകും…
എന്നാലാകുന്ന സകല സഹായങ്ങളും ചെയ്തു തരുന്നതാണ്…നമ്മുക്ക് വേണ്ടത് social media യിൽ മാത്രം ഒതുങ്ങുന്ന വിപ്ളവങ്ങളല്ല…മറിച്ച് മണ്ണിൽ ഉറച്ച കാൽ വെച്ചു നടത്തുന്ന ഇതു പോലുള്ള വിപ്ളവങ്ങളാണ്.
https://www.facebook.com/santhoshpandit/posts/1778608438860075