ശബരിമലയിലെ സ്വർണക്കൊള്ളക്ക് പിന്നാലെ വീണ്ടും ദുരൂഹത. ശബരിമലയില് നിര്ണായക രേഖകള് നശിപ്പിച്ചെന്ന് സൂചന. വിജയ് മല്യ ശബരിമലയില് സ്വര്ണം പൂശിയതുമായി ബന്ധപ്പെട്ട രേഖകളാണ് കാണാതായത്. പ്രത്യേക അന്വേഷണസംഘം ആവശ്യപ്പെട്ട രേഖകളാണ് കാണാതായത്.
സ്വർണക്കൊള്ളയുമായി ബന്ധപ്പെട്ട് തിരുവിതാംകൂര് ദേവസ്വം ബോര്ഡ് ഉദ്യോഗസ്ഥര് നടത്തിയ പരിശോധനയില് രേഖകള് കണ്ടെത്താനായില്ല. രേഖകള് നിരന്തരമായി ആവശ്യപ്പെട്ടിട്ടും പ്രത്യേക അന്വേഷണ സംഘത്തിന് കൈമാറിയിട്ടില്ല. സ്വര്ണക്കൊള്ളയുമായി ബന്ധപ്പെട്ട അന്വേഷണം നിര്ണായക ഘട്ടത്തിലേക്ക് പോകുന്നതിനിടെയാണ് 1998 – 99 കാലത്തെ രേഖകള് നഷ്ടപ്പെട്ടിരിക്കുന്നത്.
രേഖകള് കണ്ടെത്താന് എക്സിക്യൂട്ടീവ് ഓഫീസറുടെയും ദേവസ്വം കമ്മീഷണറുടെയും നേതൃത്വത്തില് ഉദ്യോഗസ്ഥ സംഘത്തെ നിയോഗിച്ചിരുന്നു. ഇവര് പരിശോധന നടത്തിയിട്ടും രേഖകള് കണ്ടെത്താന് സാധിച്ചില്ല. ദേവസ്വം ബോര്ഡ് ആസ്ഥാനത്തും പമ്പയിലും ആറന്മുളയിലുമുള്പ്പടെ പരിശോധനകള് നടത്തിയിരുന്നു. ഇതില് ദുരൂഹതയുണ്ടെന്ന് നിലവിലെ ദേവസ്വം ബോര്ഡും സംശയിക്കുന്നുണ്ട്.