ശബരിമല കൊടിമര പുനര്നിര്മാണവുമായി ബന്ധപ്പെട്ട് വിജിലന്സ് അന്വേഷണത്തിന്റെ ഭാഗമായി സിനിമ പ്രവര്ത്തകര് മൊഴി നല്കി. കൊടിമര നിര്മാണത്തിന് സ്വര്ണം സംഭാവന നല്കിയതിലാണ് സംവിധായകരായ ഷാജി കൈലാസ്, രഞ്ജി പണിക്കര്, നിര്മാതാവ് സുരേഷ്കുമാര് എന്നിവര് മൊഴി നല്കിയത്.
സ്വര്ണം സംഭാവന നല്കിയതില് മൊഴി നല്കാന് തയ്യാറാണെന്ന് കേന്ദ്ര മന്ത്രി സുരേഷ് ഗോപിയും വിജിലന്സിനെ അറിയിച്ചിട്ടുണ്ട്. സ്വര്ണം സംഭാവനയായി നല്കിയ 27 പേരുടെ മൊഴിയാണ് വിജിലന്സ് രേഖപ്പെടുത്തുന്നത്.
2017ല് പുതിയ കൊടിമരം സ്വര്ണം പൂശി സ്ഥാപിക്കാന് തീരുമാനിച്ച സമയത്ത് ശബരിമലയിലേക്ക് സുരേഷ് ഗോപി, ഷാജി കൈലാസ്, രഞ്ജി പണിക്കര് എന്നിവര് സ്വര്ണം സംഭാവന നല്കിയതിന്റെ ദൃശ്യങ്ങള് കഴിഞ്ഞ ദിവസം പുറത്തു വന്നിരുന്നു.