ക്ഷേത്രോത്സവത്തോട് അനുബന്ധിച്ച് നടത്തിയ ഗാനമേളയില് ആര്എസ്എസ് ഗണഗീതം ആലപിച്ച കോട്ടുക്കല് മഞ്ഞിപ്പുഴ ക്ഷേത്രത്തിലെ ഉപദേശക സമിതിയെ തിരുവാതംകൂര് ദേവസ്വം ബോര്ഡ് പിരിച്ചുവിട്ടു. ഗാനമേളയില് ആര്എസ്എസ് ഗണഗീതം ആലപിച്ചതിനും, ക്ഷേത്ര പരിസരത്ത് രാഷ്ട്രീയ – സാമുദായിക സംഘടനയുടെ കൊടി തോരണങ്ങള് കെട്ടിയതിനുമാണ് നടപടി.
രണ്ട് സംഭവങ്ങളിലും ക്ഷേത്ര ഉപദേശക സമിതിയ്ക്ക് ഗുരുതര വീഴ്ചയുണ്ടായെന്ന കണ്ടത്തെലിനെ തുടര്ന്നാണ് തിരുവിതാംകൂര് ദേവസ്വം ബോര്ഡ് നടപടി സ്വീകരിച്ചത്. തിരുവിതാംകൂര് ദേവസ്വം ബോര്ഡിന് കീഴിലുള ക്ഷേത്രങ്ങളിലും ക്ഷേത്ര പരിസരങ്ങളിലും രാഷ്ട്രീയ – സാമുദായിക സംഘടനകളുടെ കൊടി തോരണങ്ങള് കെട്ടുന്നതും, രാഷ്ട്രീയ സമുദായ സംഘടനകളുടെ ആശയ പ്രചരണത്തിന് ക്ഷേത്രങ്ങളെ ഉപയോഗിക്കുന്നതും കര്ശനമായി വിലക്കിക്കൊണ്ട് ഉത്തരവ് നിലവിലുള്ളതാണ്. ഈ ഉത്തരവ് ലംഘിക്കുന്ന തരത്തില് പ്രവര്ത്തനങ്ങള് ആര് നടത്തിയാലും കര്ശന നടപടി ഉണ്ടാകുമെന്നും തിരുവിതാംകൂര് ദേവസ്വം ബോര്ഡ് അറിയിച്ചു.