കേരളത്തില് അതിതീവ്ര മഴയ്ക്ക് സാധ്യതയുള്ളതിനാല് നാല് ജില്ലകളില് റെഡ് അലര്ട്ട് പ്രഖ്യാപിച്ചു. വയനാട്, കോഴിക്കോട്, കണ്ണൂര്, കാസര്കോട് ജില്ലകളിലാണ് കേന്ദ്ര കാലാവസ്ഥ വകുപ്പ് റെഡ് അലര്ട്ട് പ്രഖ്യാപിച്ചിരിക്കുന്നത്. റെഡ് അലര്ട്ട് പ്രഖ്യാപിച്ചിട്ടുള്ള ജില്ലകളില് വൈകിട്ട് അഞ്ച് മണിക്ക് സൈറണ് മുഴങ്ങും.
കവചം സംവിധാനത്തിന്റെ ഭാഗമായുള്ള മുന്നറിയിപ്പ് സൈറണ് മുഴങ്ങുക. മോക് ഡ്രില്ലിന്റെ ഭാഗമായല്ല സൈറണ് മുഴങ്ങുന്നതെന്നും റെഡ് അലര്ട്ട് നിലനില്ക്കുന്ന സാഹചര്യത്തില് ജനങ്ങള് കൂടുതല് ജാഗ്രത പാലിക്കണമെന്നതാണ് സൈറണിലൂടെ വ്യക്തമാക്കുന്നതെന്നും കാലാവസ്ഥ നീരീക്ഷണ വകുപ്പ് വ്യക്തമാക്കി.
ഇന്ന് തൃശൂര്, പാലക്കാട്, മലപ്പുറം ജില്ലകള്ക്ക് ഓറഞ്ച് അലര്ട്ടും നല്കിയിട്ടുണ്ട്. അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറില് 115.6 മില്ലിമീറ്റര് മുതല് 204.4 മില്ലിമീറ്റര് വരെ മഴ ലഭിക്കുമെന്നാണ് അതിശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്.
പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകള്ക്ക് ഇന്ന് മഞ്ഞ അലര്ട്ടും പുറപ്പെടുവിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് കേന്ദ്ര കാലാവസ്ഥ വകുപ്പ് അര്ത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.