2012ല് നടന്ന പൊലീസ് കസ്റ്റഡി മര്ദനം വിവരിച്ച് മുന് എസ്എഫ്ഐ നേതാവിന്റെ ഫെയ്സ്ബുക്ക് പോസ്റ്റ് ചര്ച്ചയാവുന്നു. യുഡിഎഫ് സര്ക്കാരിന്റെ കാലത്ത് താന് നേരിട്ട പൊലീസ് അതിക്രമം വിവരിച്ച് എസ്എഫ്ഐ പത്തനംതിട്ട ജില്ലാ പ്രസിഡന്റ് ആയിരുന്ന ജയകൃഷ്ണന് തണ്ണിത്തോട് ആണ് രംഗത്ത് വന്നിരിക്കുന്നത്. ആലപ്പുഴ ഡിവൈഎസ്പിയും കോന്നി മുന് സിഐയുമായിരുന്ന മധു ബാബുവിനെതിരെയാണ് ഫെയ്സ്ബുക്ക് കുറിപ്പിലൂടെ ജയകൃഷ്ണന് തണ്ണിത്തോട് ആരോപണം ഉന്നയിച്ചത്. എസ്എഫ്ഐ പത്തനംതിട്ട ജില്ലാ മുന് പ്രസിഡന്റ് ആയിരുന്ന ജയകൃഷ്ണന് തണ്ണിത്തോട് പൊലീസ് കസ്റ്റഡിയില് താന് നേരിട്ട കൊടിയ പീഡനമാണ് പറയുന്നത്. കുന്നംകുളത്തെ പൊലീസ് കസ്റ്റഡി മര്ദ്ദനം ചര്ച്ചയായിരിക്കുന്ന സമയത്താണ് താന് നേരിട്ട മര്ദനത്തെ കുറിച്ച് ഫെയ്സ്ബുക്കില് മുന് എസ്എഫ്ഐ ഭാരവാഹി പോസ്റ്റ് ഇട്ടിരിക്കുന്നത്.
ആലപ്പുഴ ഡിവൈഎസ്പിയും കോന്നിയിലെ മുന് സിഐയുമായിരുന്ന മധു ബാബുവിനെതിരെ ഗുരുതരമായ ആരോപണമാണ് ജയകൃഷ്ണന് നടത്തുന്നത്. കാലിന്റെ വെള്ള അടിച്ചു പൊട്ടിച്ചെന്നും കണ്ണിലും ശരീരത്തിലും മുളക് സ്പ്രേ ചെയ്തുവെന്നും ചെവിയുടെ ഡയഫ്രം അടിച്ചുപൊളിച്ചുവെന്നും ജയകൃഷ്ണന് ആരോപിക്കുന്നുണ്ട്. തന്റെ പരാതിയില് അന്നത്തെ പത്തനംതിട്ട എസ്പി ഹരിശങ്കര് ഇന്നത്തെ ഐജി മാതൃകാപരമായി കേസ് അനേഷിച്ചുവെന്നും കുറ്റക്കാരനായ മധു ബാബുവിനെതിരെ കടുത്ത അച്ചടക്ക നടപടിക്ക് ശുപാര്ശ ചെയ്തുവെന്നും ജയകൃഷ്ണന് ചൂണ്ടിക്കാണിക്കുന്നുണ്ട്. പൊലീസ് സേനക്ക് തന്നെ മധുബാബു അപമാനം ആണെന്ന് റിപ്പോര്ട്ടില് പറഞ്ഞിട്ടും റിപ്പോര്ട്ട് ഇതുവരെ നടപ്പിലാക്കിയില്ല എന്ന ചോദ്യവും ജയകൃഷ്ണന് ഉന്നയിക്കുന്നു. നിരവധി കേസുകളില് ശിക്ഷിച്ച മധുബാബുവിനെ നേരത്തേ തന്നെ സര്വീസില് നിന്ന് കളയേണ്ടിയിരുന്നു. എന്നാല് മധു ബാബു ഇന്നും പൊലീസ് സേനയില് ശക്തമായി തന്നെ തുടര്ന്നുപോകുന്നു. ഇനി പരാതി പറയാന് ആളില്ല. എന്തുകൊണ്ടാണ് ഈ റിപ്പോര്ട്ട് നടപ്പിലാക്കാത്തതെന്ന ചോദ്യവും ജയകൃഷ്ണന് ചോദിക്കുന്നു.
”മര്ദ്ദനവും മൂന്നാം മുറയും കാടത്തവും കൊണ്ടുനടക്കുന്ന പൊലീസ് ഓഫിസര്മാര് ഇപ്പോഴും കേരള പൊലീസ് സേനയിലെ തലപ്പത്ത് മാന്യന്മാര് ചമഞ്ഞ് നടക്കുന്നു. അല്പ്പം പഴയൊരു കഥ പറയട്ടെ. ഞാന് എസ്എഫ്ഐ ഭാരവാഹി ആയിരിക്കുമ്പോഴാണ് (യുഡിഎഫ് ഭരണകാലത്ത്) അന്നത്തെ കോന്നി സിഐ മധുബാബു എന്നെ ലോക്കപ്പ് മര്ദനത്തിനും മൂന്നാംമുറക്കും വിധേയമാക്കിയത്. ഇത് പറഞ്ഞാല് ഒരു പക്ഷെ പുതിയ തലമുറക്ക് അവിശ്വസനീയമായി തോന്നും. കാലിന്റെ വെള്ള അടിച്ച് പൊട്ടിച്ചു, ചെവിയുടെ ഡയഫ്രം അടിച്ച് പൊട്ടിച്ചു ,കണ്ണിലും ദേഹത്തും മുളക് സ്പ്രേ ചെയ്തതടക്കം പറഞ്ഞാല് 10 പേജില് അധികം വരും. എന്റെ പാര്ട്ടിയുടെ സംരക്ഷണമാണ് ഞാന് ഇന്ന് ജീവിച്ചിരിക്കുന്നത്തിന്റെ കാരണം. 6 മാസം ഞാന് മെഡിക്കല് കോളജില് ചികിത്സതേടി. അന്നത്തെ ഭരണകൂടം എന്നെ 3 മാസത്തില് അധികം ജയിലില് അടച്ചു. ഒറ്റ രാത്രി കൊണ്ടാണ് എനിക്കെതിരെ നിരവധി കേസുകള് എടുത്തത്. എടുത്ത കേസുകളില് എല്ലാം ഇന്ന് വെറുതെ വിട്ടു. ഞാന് അന്ന് മുതല് തുടങ്ങിയ പോരാട്ടമാണ് പൊലീസിലെ ക്രിമിനലായ മധുബാബുവിനെതിരെ.”
”കഴിഞ്ഞ 14 വര്ഷമായി കേസ് നടത്തുന്നു. അന്നത്തെ പത്തനംതിട്ട എസ്പി ഹരിശങ്കര് ഇന്നത്തെ ഐജി മാതൃകാപരമായി കേസ് അനേഷിച്ചു കുറ്റക്കാരനായ മധു ബാബുവിനെതിരെ കടുത്ത അച്ചടക്ക നടപടിക്ക് ശുപാര്ശ ചെയ്തു. പൊലീസ് സേനക്ക് തന്നെ മധുബാബു അപമാനം ആണെന്ന് റിപ്പോര്ട്ടില് പറഞ്ഞു. എന്നാല് ആ റിപ്പോര്ട്ട് ഇതുവരെ നടപ്പിലാക്കിയില്ല? നിരവധി കേസുകളില് ശിക്ഷിച്ച മധുബാബുവിനെ നേരത്തേ തന്നെ സര്വീസില് നിന്ന് കളയേണ്ടിയിരുന്നു. എന്നാല് മധു ബാബു ഇന്നും പൊലീസ് സേനയില് ശക്തമായി തന്നെ തുടര്ന്നുപോകുന്നു. ഇനി പരാതി പറയാന് ആളില്ല. എന്തുകൊണ്ടാണ് ഈ റിപ്പോര്ട്ട് നടപ്പിലാക്കാത്തത്, ആരാണ് ഇതിന്റ പിന്നില് എനിക്ക് ഇന്നും ഉത്തരം കിട്ടാത്ത ചോദ്യം. ഞാന് പൊലീസ് ക്രിമിനല്സിനെതിരായ പോരാട്ടം തുടര്ന്നുകൊണ്ടേയിരിക്കും. ഇനി ഹൈക്കോടതിയില് കേസ് നടത്താനുള്ള തയാറെടുപ്പിലാണ്. മരണം വരെയും പോരാടും. കാശു തന്നാല് എല്ലാവരെയും വിലക്ക് എടുക്കാന് കഴിയില്ലെന്ന് ഈ ക്രിമിനല് പൊലീസുകാര് അറിയണം.”
ഫെയ്സ്ബുക്ക് പോസ്റ്റിന്റെ പൂര്ണരൂപം
മർദ്ദനവും മൂന്നാം മുറയും കാടത്തവും കൊണ്ടുനടക്കുന്ന പോലീസ് ഓഫീസർമാർ ഇപ്പോഴും കേരള പോലീസ് സേനയിലെ തലപ്പത്ത് മാന്യൻമാർ ചമഞ്ഞ് നടക്കുന്നു.അല്പം പഴയൊരു കഥ പറയട്ടെ. ….. ഞാൻ sfi ഭാരവാഹി ആയിരിക്കുമ്പോഴാണ് (udf ഭരണകാലത്ത് )അന്നത്തെ കോന്നി CI മധുബാബു എന്നെ ലോക്കപ്പ് മർദ്ദനത്തിനും മൂന്നാംമുറക്കും വിധേയമാക്കിയത് ഇത് പറഞ്ഞാൽ ഒരു പക്ഷെ പുതിയ തലമുറക്ക് അവിശ്വസനീയമായി തോന്നും….കാലിന്റെ വെള്ള അടിച്ച് പൊട്ടിച്ചു, ചെവിയുടെ ഡയഫ്രം അടിച്ച് പൊട്ടിച്ചു ,കണ്ണിലും ദേഹത്തും മുളക് സ്പ്രേ ചെയ്തതടക്കം പറഞ്ഞാൽ 10 പേജിൽ അധികം വരും. ..എന്റെ പാർട്ടിയുടെ സംരക്ഷണമാണ് ഞാൻ ഇന്ന് ജീവിച്ചിരിക്കുന്നത്തിന്റെ കാരണം 6 മാസം ഞാൻ മെഡിക്കൽ കോളേജിൽ ചികിത്സതേടി അന്നത്തെ ഭരണകൂടം എന്നെ 3മാസത്തിൽ അധികം ജയിലിൽ അടച്ചു.ഒറ്റ രാത്രി കൊണ്ടാണ് എനിക്കെതിരെ നിരവധി കേസുകൾ എടുത്തത്…എടുത്ത കേസുകൾ എല്ലാം ഇന്ന് വെറുതെ വിട്ടു…ഞാൻ അന്ന്മുതൽ തുടങ്ങിയ പോരാട്ടമാണ് പോലീസിലെ ക്രിമിനലായ മധുബാബുവിനെതിരെ ….കഴിഞ്ഞ 14 വർഷമായി കേസ് നടത്തുന്നു അന്നത്തെ പത്തനംതിട്ട എസ് പി ഹരിശങ്കർ ഇന്നത്തെ ഐ ജി മാതൃകാപരമായി കേസ് അനേഷിച്ചു കുറ്റക്കാരനായ മധു ബാബുവിനെതിരെ കടുത്ത അച്ചടക്ക നടപടിക്ക് ശുപാർശ ചെയ്തു പോലീസ് സേനക്ക് തന്നെ മധുബാബു അപമാനം ആണെന്ന് റിപ്പോർട്ടിൽ പറഞ്ഞു എന്നാൽ ആ റിപ്പോർട്ട് ഇതുവരെ നടപ്പിലാക്കിയില്ല ????നിരവധി കേസുകളിൽ ശിക്ഷിച്ച മധുബാബുവിനെ നേരത്തെ തന്നെ സർവീസിൽ നിന്ന് കളയേണ്ടിയിരുന്നു. എന്നാൽ മധു ബാബു ഇന്നും പോലീസ് സേനയിൽ ശക്തമായി തന്നെ തുടർന്നുപോകുന്നു ഇനി പരാതി പറയാൻ ആളില്ല..എന്തുകൊണ്ടാണ് ഈ റിപ്പോർട്ട് നടപ്പിലാക്കാത്തത്, ആരാണ് ഇതിന്റ പിന്നിൽ എനിക്ക് ഇന്നും ഉത്തരം കിട്ടാത്ത ചോദ്യം.ഞാൻ പോലീസ് ക്രിമിനൽസിനെതിരായ പോരാട്ടം തുടർന്നുകൊണ്ടേയിരിക്കും ഇനി ഹൈകോടതിയിൽ കേസ് നടത്താനുള്ള തയാറെടുപ്പിലാണ് മരണം വരെയും പോരാടും കാശു തന്നാൽ എല്ലാവരെയും വിലക്ക് എടുക്കാൻ കഴിയില്ലെന്ന് ഈ ക്രിമിനൽ പോലീസുകാർ അറിയണം.