കെ. സുധാകരൻ മത്സരിക്കാൻ അർഹനെങ്കിൽ താനും അർഹനെന്ന് അടൂർ പ്രകാശ്. ഹൈക്കമാന്റിനെ അടൂർ പ്രകാശ് നിലപാട് അറിയിച്ചു. കെ. സുധാകരനുള്ള അർഹത തനിക്കുമുണ്ട് എന്നാണ് അടൂർ പ്രകാശിന്റെ വാദം.കോന്നിയിൽ എന്ത് പ്രത്യാഘാതം ഉണ്ടായാലും താൻ ഉത്തരവാദിയല്ലെന്നും അടൂർ പ്രകാശ് പറഞ്ഞു.
അൻപത്തിയൊന്ന് വർഷമായി താനും പാർട്ടിയിൽ നിൽക്കുകയാണ്. കെ എസ് യു കാലം മുതൽ കോൺഗ്രസ് പാർട്ടിയിലുണ്ട്. അങ്ങനെയുള്ള സാഹചര്യത്തിൽ തനിക്കും ഈ സീറ്റിനു അർഹതയുണ്ട് എന്നാണ് അടൂർ പ്രകാശ് ചൂണ്ടിക്കാട്ടുന്നത്.
അതേസമയം, കോന്നിയിൽ സീറ്റിലെന്ന് വിവരിച്ചു കൊണ്ടുള്ള പോസ്റ്റ് അടൂർ പ്രകാശ് പിൻവലിക്കുകയും ചെയ്തിട്ടുണ്ട്. കോന്നി സീറ്റിൽ അവകാശവാദം അടൂർ പ്രകാശ് ശക്തമാക്കിയതോടെ വരും മണിക്കൂറുകളിൽ കോൺഗ്രസിലെ സീറ്റ് ചർച്ചകൾ കൂടുതൽ സങ്കീർണ്ണമാകാനാണ് സാധ്യത.