കാലാവധി കഴിഞ്ഞ റാങ്ക് പട്ടികയിലുള്ള ഉദ്യോഗാര്ത്ഥികള്ക്ക് നിയമനം നല്കാന് തീരുമാനിച്ച് പിഎസ്സി. നിയമനം സംബന്ധിച്ച കേസിനെ തുടര്ന്ന് മാറ്റിവെച്ച 545 ഒഴിവുകളിലേക്ക് അതാത് റാങ്ക് പട്ടികളില് നിന്ന് നിയമന ശിപാര്ശ നല്കാനാണ് പിഎസ്സി യോഗത്തില് തീരുമാനിച്ചിരിക്കുന്നത്.
കാലാവധി കഴിഞ്ഞ റാങ്ക് പട്ടിക നീട്ടണമെന്നതുമായി ബന്ധപ്പെട്ട ഹെക്കോടതി ഡിവിഷന് ബെഞ്ചിന്റെ വിധി സുപ്രീംകോടതി ശരിവെച്ചിരുന്നു. 2018 മാര്ച്ച് ഒന്നിലെ വിധി് ഫെബ്രുവരി 15നാണ് സുപ്രീംകോടതി അംഗീകരിച്ചത്. ഇതിന്റെ അടിസ്ഥാനത്തിലാണ് ഇപ്പോള് നിയമനം നല്കാന് തീരുമാനിച്ചിരിക്കുന്നത്.
കേസിനെ തുടര്ന്ന് മാറ്റിവെച്ച ഒഴിവുകള് പരിശോധിച്ചതിന് ശേഷമായിരിക്കും നിയമന നടപടികളിലേക്ക് കടക്കുക. കേസ് നല്കിയവര്ക്ക് വേണ്ടി നീക്കിവെച്ച ഒഴിവുകളുടെ എണ്ണം, ഹൈക്കോടതിയിലെ നിയമോപദേഷ്ടാവിന്റെ ഉപദേശം എന്നിവയും യോഗത്തില് പി എസ്സി ചര്ച്ച ചെയ്തു.