കൂടത്തായി കൊലപാതക പരമ്പരയില് നിര്ണായക തെളിവ് കണ്ടെത്തി പോലീസ്. ജോളിയുടെ കാറില് നിന്നും കിട്ടിയത് മാരകവിഷമായ പൊട്ടാസ്യം സയനൈഡ് തന്നെയാണെന്നാണ് ഫോറന്സിക് പരിശോധനയില് കണ്ടെത്തിയിട്ടുള്ളത്. കണ്ണൂരിലെ ഫോറന്സിക് ലാബില് നടത്തിയ പരിശോധനയിലാണ് ഇക്കാര്യം സ്ഥിരീകരിച്ചത്. ഡിജിപിയുടെ അടിയന്തര നിര്ദ്ദേശത്തെ തുടര്ന്നായിരുന്നു പരിശോധന.
ബുധനാഴ്ചയാണ് മുഖ്യപ്രതി ജോളിയുടെ കാറില് നിന്നും വെളുത്ത പൊടി കണ്ടെത്തിയത്. സിലിയെ കൊല്ലാന് ഉപയോഗിച്ചതിന്റെ ബാക്കി സയനൈഡ് ആണിത് എന്നാണ് റിപ്പോര്ട്ട്. നേരത്തെ ജോളിയുടെ വീട്ടില് നിന്നും ചില കുപ്പികള് കണ്ടെത്തിയിരുന്നു. എന്നാല്, അതിലൊന്നും സയനൈഡിന്റെ അംശം കണ്ടെത്തിയിരുന്നില്ല.