രാജീവ് ചന്ദ്രശേഖറിന്റെ നേതൃത്വത്തില് സംസ്ഥാനത്ത് ബിജെപി ഒറ്റക്കെട്ടായാണ് മുന്നോട്ട് പോകുന്നതെന്ന് മുതിര്ന്ന ബിജെപി നേതാവ് പികെ കൃഷ്ണദാസ്. നടക്കാനിരിക്കുന്ന രണ്ട് തിരഞ്ഞെടുപ്പുകളിലും ബിജെപി അദ്ഭുതകരവും ഐതിഹാസികവുമായ വിജയം കൈവരിക്കുമെന്നും പികെ കൃഷ്ണദാസ് കൂട്ടിച്ചേര്ത്തു.
നിലനില്ക്കുന്ന ആരോപണങ്ങള് അടിസ്ഥാനരഹിതമാണെന്നും പികെ കൃഷ്ണദാസ് പറഞ്ഞു. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു പികെ കൃഷ്ണദാസ്. നിലവില് പാര്ട്ടിയുടെ മുന്നില് 2025ലെ പ്രാദേശിക തിരഞ്ഞെടുപ്പും 2026ലെ നിയമസഭാ തിരഞ്ഞെടുപ്പും മാത്രമാണുള്ളത്.
രാജീവ് ചന്ദ്രശേഖറിന്റെ നേതൃത്വത്തില് ബിജെപി ഒറ്റക്കെട്ടായി ദേശീയ ജനാധിപത്യ സഖ്യത്തോടൊപ്പം നിന്ന് ഈ തിരഞ്ഞെടുപ്പുകളെ നേരിടും.
കേരളത്തില് ബിജെപിയെ നയിക്കുന്നത് രാജീവ് ചന്ദ്രശേഖറാണ്. പാര്ട്ടി തീരുമാനങ്ങളില് ആര്ക്കും അതൃപ്തിയും അഭിപ്രായ വ്യത്യാസവുമില്ല. കേരളത്തില് ബിജെപി ഒറ്റക്കെട്ടാണ്. ബാക്കി എല്ലാ ആരോപണങ്ങളും ശുദ്ധ അസംബന്ധവും അടിസ്ഥാനരഹിതവും ആണെന്നും കൃഷ്ണദാസ് പറഞ്ഞു.