ജോസ് കെ മാണി ബദല് സംസ്ഥാന സമിതി യോഗം വിളിച്ചതില് പരസ്യ പ്രതികരണവുമായി പി ജെ ജോസഫ്. ഇന്നത്തെ യോഗം തികച്ചും അനധികൃതമാണെന്നും പാര്ട്ടിയുടെ ഭരണഘടനയ്ക്ക് നിരക്കുന്നതല്ലെന്നും പി ജെ ജോസഫ് മാധ്യമങ്ങളോട് പറഞ്ഞു.
യോഗം വിളിക്കാന് ജോസ് കെ മാണിയ്ക്ക് അധികാരമില്ല. ജോസ് കെ മാണി വൈസ് ചെയര്മാനായത് യോഗം വിളിച്ചിട്ടല്ല. ഹൈ പവര് കമ്മിറ്റിയിലെ ഭൂരിപക്ഷം എനിക്കാണുള്ളത് 28 പേരില് 15 പേരും എനിക്കൊപ്പമാണ് നില്ക്കുന്നത്. അദ്ദേഹം പറഞ്ഞു.
ഈ യോഗത്തിലൂടെ ജോസ് കെ മാണി വിഭാഗം സ്വീകരിക്കുന്നത് സ്വയം പുറത്തു പോകാനുള്ള നടപടിയാണെന്നും ബാലിശമായ കാരണങ്ങള് പറഞ്ഞ് ജോസ് കെ മാണി സ്വയം സമവായ നീക്കങ്ങള് ഇല്ലാതാക്കുകയായിരുന്നുവെന്നും ജോസഫ് വ്യക്തമാക്കി.