തോക്കുമായി വിമാനത്താവളത്തിലെത്തിയ കോണ്ഗ്രസ് നേതാവ് പിടിയില്. പാലക്കാട് ഡിസിസി വൈസ് പ്രസിഡന്റും പട്ടാമ്പി നഗരസഭ മുന് ചെയര്മാനുമായ കെഎസ്ബിഎ തങ്ങളാണ് കോയമ്പത്തൂര് വിമാനത്താവളത്തില് അറസ്റ്റിലായത്. തോക്കും ഏഴ് ബുള്ളറ്റും തങ്ങളുടെ കൈയില് നിന്ന് പിടിച്ചെടുത്തു.
ഇന്ന് പുലര്ച്ചെയായിരുന്നു സംഭവം. കോയമ്പത്തൂരില് നിന്ന് ബംഗളൂരുവിലേക്കും അവിടെ നിന്ന് അമൃത്സറിലേക്കും പോകാനായിട്ടാണ് തങ്ങള് വിമാനത്താവളത്തില് എത്തിയത്. എന്നാല് ബാഗേജ് ചെക്ക് ചെയ്യുന്ന സമയത്താണ് തോക്ക് കണ്ടെടുത്തത്. തോക്ക് കൈവശം വെയ്ക്കാനുള്ള ലൈസന്സ് രേഖകള് ഒന്നും തന്നെ കൈയില് ഉണ്ടായിരുന്നില്ല. ഇതോടെയാണ് സുരക്ഷാ ഉദ്യേഗസ്ഥര് അദ്ദേഹത്തെ കസ്റ്റഡിയില് എടുത്തത്.
എന്നാല് ഇത് പഴയ തോക്കാണെന്നും ഉപയോഗിക്കാറില്ലെന്നുമാണ് കെഎസ്ബിഎ തങ്ങളുടെ വാദം. കെഎസ്ബിഎ തങ്ങളെ കോയമ്പത്തൂര് പീരുമേട് പൊലീസിന് കൈമാറി.