ജനാധിപത്യ മാർഗ്ഗത്തിൽ വോട്ട് സംഘടിപ്പിക്കാൻ ശ്രമിച്ചുവെന്ന ഒരൊറ്റ കാരണത്താലാണ് ലീഗ് പ്രവർത്തകൻ മൻസൂറിനെ സി.പി.എം വെട്ടി ഇല്ലാതാക്കിയത് എന്ന് മുസ്ലിം ലീഗ് നേതാവ് പി.കെ ഫിറോസ്. കൊല്ലുമെന്ന് ഉറപ്പിച്ചു പ്രതികൾ തന്നെ പോസ്റ്റുകൾ ഷെയർ ചെയ്യുന്നു. രാത്രി ബോംബെറിയുന്നു, വെട്ടിക്കൊല്ലുന്നു. വോട്ട് പെട്ടിയിലാവുന്ന അവസാനനിമിഷം വരെ കാത്തുനിന്നു. ഒടുവിൽ സി.പി.എം തങ്ങളുടെ ജനിതക സ്വഭാവം പുറത്തെടുത്തു എന്നും പി.കെ ഫിറോസ് പറഞ്ഞു.
പി.കെ ഫിറോസിന്റെ ഫെയ്സ്ബുക്ക് കുറിപ്പ്:
പ്രിയപ്പെട്ട മൻസൂറിനെ അവർ വെട്ടി ഇല്ലാതാക്കിയത് ജനാധിപത്യ മാർഗ്ഗത്തിൽ വോട്ട് സംഘടിപ്പിക്കാൻ ശ്രമിച്ചുവെന്ന ഒരൊറ്റ കാരണത്താലാണ്. കൊല്ലുമെന്ന് ഉറപ്പിച്ചു പ്രതികൾ തന്നെ പോസ്റ്റുകൾ ഷെയർ ചെയ്യുന്നു. രാത്രി ബോംബെറിയുന്നു, വെട്ടിക്കൊല്ലുന്നു.
വോട്ട് പെട്ടിയിലാവുന്ന അവസാനനിമിഷം വരെ കാത്തുനിന്നു. ഒടുവിൽ സി.പി.എം തങ്ങളുടെ ജനിതകസ്വഭാവം പുറത്തെടുത്തു.
ഇന്നലെവരെ സജീവമായി പ്രവർത്തിച്ചിരുന്ന പ്രിയപ്പെട്ട മൻസൂർ, ഇന്ന് ജീവനറ്റു കിടക്കുന്നു. പ്രാർത്ഥന പകരം നൽകട്ടെ.!