ക്രിസ് മസ് പുതുവല്‍സര മദ്യ വില്‍പ്പന ഇത്തവണയും റിക്കാര്‍ഡിട്ടു. ഡിസംബര്‍ 31 ന് മാത്രം മലയാളി കുടിച്ചത് 94.5 കോടിയുടെ മദ്യം. ഡിസംബര്‍ 22 മുതല്‍ 31 വരെ ചിലവായത് 543.13 കോടിയുടെ മദ്യമാണെന്നും ബിവറേജസ് കോര്‍പ്പറേഷന്റെ കണക്കുകള്‍ സൂചിപ്പിക്കുന്നു.
കഴിഞ്ഞ വര്‍ഷം ഇതേ സ്ഥാനത്ത് 516.26 കോടി രൂപയുടെ വില്‍പ്പനയായിരുന്നു നടന്നത്. കഴിഞ്ഞ ഡിസംബര്‍ 31 ന് 93.33 കോടിയുടെ മദ്യം വിറ്റിടത്താണ് ഇത്തവണ 94.5 കോടിയുടെ മദ്യം വിറ്റത്. തിരുവനന്തപുരം പവര്‍ ഹൗസ് റോഡിലെ ഔട്ട് ലെറ്റിലാണ് ഡിസംബര്‍ 31 ന് ഏറ്റവും കൂടുതല്‍ മദ്യം വിറ്റത് ഇവിടെ 1.02 കോടി രൂപയുടെ മദ്യം വിറ്റു. എറണാകുളം രവിപുരം-77 ലക്ഷം, ഇരിങ്ങാലക്കുട-76 ലക്ഷം, കൊല്ലം ആശ്രാമം-73 ലക്ഷം, പയ്യന്നൂര്‍ 71 ലക്ഷം എന്നിങ്ങനെയാണ് മറ്റ് ഔട്ട് ലെറ്റുകളിലെ വില്‍പ്പന.
ക്രിസ്മസിന്റെ തലേ ദിവസമായ ഡിസംബര്‍ 24 ന് 70.73 കോടി യുടെ മദ്യമാണ് സംസ്ഥാനത്ത് വിറ്റത്. ഡിസംബര്‍ 22, 23 ദിവസങ്ങളില്‍ 84.04 കോടിക്കുള്ള മദ്യം വില്‍ക്കുകയുണ്ടായി.
ആകെ ലഭിച്ച 543.13 കോടി രൂപയുടെ 90 ശതമാനവും സര്‍ക്കാര്‍ നികുതിയായി ഖജനാവിലെത്തുമെന്നതാണ് കൗതുകകരമായ കാര്യം അതായത് ആകെ ലഭിച്ച 543.13 കോടിയില്‍ ഏകദേശം 490 കോടി രൂപയും നികുതിയായ സര്‍ക്കാരിന് ലഭിക്കും