തിരുവനന്തപുരത്ത് ക്ഷേത്രത്തിൽ അശ്ലീല പ്രദർശനം നടത്തിയയാൾ പിടിയിൽ. തിരുവല്ലം പരശുരാമ ക്ഷേത്രത്തിലാണ് പ്രതി അശ്ലീല പ്രദർശനം നടത്തിയത്. പിന്നാലെ ഇയാളെ തടഞ്ഞുവെച്ചപ്പോൾ പോക്കറ്റിൽ സൂക്ഷിച്ചിരുന്ന സർജിക്കൽ ബ്ലേഡ് ഉപയോഗിച്ച് കഴുത്തും കൈത്തണ്ടയും മുറിക്കുകയായിരുന്നു.
തിരുവനന്തപുരം മെഡിക്കൽ കോളേജ് ആശുപത്രിയിലെ പുരുഷ വിഭാഗം നേഴ്സിങ് അസിസ്റ്റൻഡ് ആണ് പ്രതി. തിങ്കളാഴ്ച രാവിലെ ഏഴോടെയായിരുന്നു സംഭവം. ക്ഷേത്രം ജീവനക്കാരാണ് സ്ത്രീകൾ കടന്നുപോയ സമയത്ത് അശ്ലീല പ്രദർശനം നടത്തിയ പ്രതിയെ തടഞ്ഞുവെച്ചത്. ഗണപതിവിഗ്രഹ പ്രതിഷ്ഠയ്ക്ക് സമീപമാണ് ഇയാളെ കണ്ടെത്തിയത്. തടഞ്ഞുവെച്ചതിന് പിന്നാലെ പൊലീസിൽ ഏൽപ്പിക്കാൻ ശ്രമിക്കുമ്പോഴാണ് ഇയാൾ ബ്ലേഡ് ഉപയോഗിച്ച് കഴുത്തും വലത് കൈത്തണ്ടയും മുറിച്ചത്.
സംഭവ സ്ഥലത്ത് പോലീസ് എത്തിയപ്പോൾ പ്രതി രക്തം വാർന്ന് അവശനിലയിലായിരുന്നു. ഉടൻ തന്നെ പ്രതിയെ ആശുപത്രിയിൽ ആക്കുകയായിരുന്നു. ശസ്ത്രക്രിയക്ക് വിധേനായ പ്രതി നിലവിൽ ചികിത്സയിലാണ്.