വടകരയിലെ പരിപാടിയുടെ സദസ്സിൽ ആള് കുറഞ്ഞതിൽ വിമർശനവുമായി മുഖ്യമന്ത്രി പിണറായി വിജയൻ. പൊതുവെ വടകരയിലെ പരിപാടികൾ ഇങ്ങിനെ അല്ലെന്നും നല്ല ആൾക്കൂട്ടം ഉണ്ടാവാറുണ്ട് എന്ന് പറഞ്ഞ മുഖ്യമന്ത്രി ഔചിത്യബോധം കാരണം താൻ മറ്റൊന്നും പറയുന്നില്ലെന്ന് പറഞ്ഞു.
പരിപാടിയുമായി ബന്ധപ്പെട്ട് വലിയ പന്തലാണ് സംഘാടകർ ഒരുക്കിയിരുന്നത്. സദസ്സിൽ ആളുകൾ എത്തുന്നത് വരേ മുഖ്യമന്ത്രി ഗസ്റ്റ് ഹൗസിൽ നിന്നും ഇറങ്ങാതെ കാത്തിരുന്നു. സദസ്സിൽ ആളില്ലാത്തതിനാൽ 11 മണിക്ക് തുടങ്ങേണ്ട പരിപാടിക്ക് 11.35 നാണ് മുഖ്യമന്ത്രി എത്തിയത്.
അതേസമയം പന്തലിൽ ആളുകൾ തിങ്ങി ഇരിക്കേണ്ട എന്ന് കരുതിക്കാണും എന്നും മുഖ്യമന്ത്രി പറഞ്ഞു. വെയിലും ചൂടും ആയത് കൊണ്ട് ആളുകൾക്ക് വിസ്താരത്തോടെ ഇരിക്കാൻ സംഘാടകർ സൗകര്യം ഒരുക്കിയെന്നും മുഖ്യമന്ത്രി പറഞ്ഞു.