അന്യ, ഇതര, അതിഥി തുടങ്ങിയ പ്രയോഗങ്ങള്‍ ഒക്കെ അന്യവത്കരണത്തിന്റെ അംശങ്ങള്‍ ഉള്ളവയാണ് എന്നും അന്തര്‍ സംസ്ഥാന തൊഴിലാളി എന്നതാണ് അന്തസ്സുള്ള പ്രയോഗം എന്നും പ്രൊഫസർ ഡോ. ടി ടി ശ്രീകുമാർ അഭിപ്രായപ്പെട്ടു. ഹൈദരാബാദിലെ ഇംഗ്ലീഷ്, ഫോറിൻ ലാംഗ്വേജ് യൂണിവേഴ്സിറ്റിയിൽ സ്കൂൾ ഓഫ് ഇന്റർ ഡിസിപ്ലിനറി സ്റ്റഡീസിൽ പ്രൊഫസറായി പ്രവർത്തിക്കുന്ന ഡോ. ടി ടി ശ്രീകുമാർ എഴുത്തുകാരൻ സാമൂഹിക-സാഹിത്യ നിരൂപകൻ, രാഷ്ട്രീയ വിശകലനവിദഗ്‌ദ്ധൻ എന്നീ നിലകളിൽ പ്രഗത്ഭനാണ്.
ടി ടി ശ്രീകുമാറിന്റെ ഫെയ്സ്ബുക്ക് കുറിപ്പ്:
അന്തര്‍ സംസ്ഥാന തൊഴിലാളി എന്നതാണ് അന്തസ്സുള്ള പ്രയോഗം. ഔദ്യോഗികമായി തന്നെ അവര്‍ inter-state workers/migrants ആണ്. ലോകത്തൊരിടത്തും തൊഴിലാളികള്‍ patronage അല്ല, അവകാശങ്ങള്‍ ആണ് ചോദിച്ചു വാങ്ങുന്നത്. ഒരു പേരില്‍ എന്തിരിക്കുന്നു എന്നതല്ല, പേരിടല്‍ ഒരു ആർജ്ജിത മേൽക്കോയ്മ്മ ആണ് എന്ന് മനസിലാക്കുക എന്നതും പ്രധാനമാണ്. അന്യ, ഇതര, അതിഥി തുടങ്ങിയ പ്രയോഗങ്ങള്‍ ഒക്കെ അന്യവത്കരണത്തിന്റെ അംശങ്ങള്‍ ഉള്ളവയാണ്. അത്തരത്തില്‍ അന്യവല്ക്കിരിക്കാന്‍ നിയമപരമായി കഴിയില്ല. അസംഘടിത മേഖലയില്‍ വ്യാപകമായി പ്രയോഗത്തില്‍ ഉള്ളതല്ലെങ്കിലും ഇക്കാര്യത്തില്‍ ഇന്ത്യന്‍ നിയമം സ്വീകരിച്ചിട്ടുള്ള terminology സ്വീകരിക്കുന്നതാണ് ശരിയായ രീതി. ആ നിയമം Inter-State Migrant Workers (Regulation of Employment and Conditions of Service) Act, 1979, (ISMW) ആണ്. ഇതിനു സമാനമാണ് ഇന്ത്യാ ഗവൺെമെന്റ് വിദേശ തൊഴിലാളികളുടെ കാര്യത്തിലും സ്വീകരിച്ചിട്ടുള്ളത്. Employees Provident Funds & Miscellaneous Provisions Act, 1952 ബാധകമായിട്ടുള്ള മേഖലകളില്‍ ജോലി ചെയ്യുന്ന വിദേശികളെ international worker എന്നാണ് വിളിക്കുന്നത്‌- അന്താരാഷ്ട്ര തൊഴിലാളി. ‘അന്തര്‍ സംസ്ഥാന തൊഴിലാളി’ എന്നത് അതുകൊണ്ട് തന്നെ ഒരു സംസ്ഥാനത്തും സവിശേഷമായ വേര്തിരിവിനു ഇടകൊടുക്കാത്ത generic പദപ്രയോഗമാണ്. മനുഷ്യത്വ രഹിതമായ ഒരു പലായനത്തിലേക്ക് അവരെ തള്ളിവിട്ടത് തിരുത്താന്‍ കേന്ദ്ര സര്ക്കാരിനും ഡല്ഹി ഭരണകൂടത്തിനും മറ്റും ഇനിയും സമയമുണ്ട്. മറ്റു സ്ഥലങ്ങളില്‍ അവര്ക്ക് മടങ്ങി പോകാന്‍ കഴിയാത്ത സാഹചരത്തില്‍ വിവിധ സംസ്ഥാന സര്ക്കാരുകളും കേന്ദ്ര സര്ക്കാരും അടിയന്തരമായി അവര്ക്കായി ഒരു സ്പെഷ്യല്‍ പാക്കേജ് പ്രഖ്യാപിക്കുക എന്നത് ഔദാര്യമല്ല, അവരുടെ അവകാശമാണ്.
https://www.facebook.com/tt.sreekumar/posts/10158281057612716