മോർഫ് ചെയ്ത വീഡിയോ ഇല്ല എന്ന് കെ.കെ ശൈലജ ടീച്ചർ പറഞ്ഞതിൽ സന്തോഷമെന്ന് വടകര യുഡിഎഫ് സ്ഥാനാർത്ഥി ഷാഫി പറമ്പിൽ. ഞങ്ങളാരും അങ്ങനെ ഒന്നും തന്നെ കണ്ടിട്ടില്ല. എതിർ സ്ഥാനാർത്ഥിയെ മോശക്കാരിയാക്കിട്ട് ഇലക്ഷൻ ജയിക്കാൻ വന്നിരിക്കുന്നവരല്ല ഞങ്ങളെന്നും ഷാഫി പറമ്പിൽ പറഞ്ഞു.
ഞങ്ങൾ ആരും കണ്ടിട്ടുണ്ടായിരുന്നില്ല. ആരും കണ്ടതായിട്ട് ഞങ്ങളോട് പറഞ്ഞിട്ടുമുണ്ടായില്ല. ആ ഒരു സാധനം ഇപ്പൊ ഇല്ലാ എന്ന് പറഞ്ഞിട്ടുണ്ടെങ്കിൽ നല്ല കാര്യം. സന്തോഷം. ഞങ്ങൾ തുടക്കം മുതൽ പറഞ്ഞോണ്ടിരിക്കുന്ന കാര്യംവും അതാണെന്ന് ഷാഫി പറമ്പിൽ പറഞ്ഞു. ഇനിയിപ്പോ പോസ്റ്ററിന്റെ കാര്യമാണെങ്കിൽ കൂടി ഞങ്ങളുടെ ശ്രദ്ധയിൽ വന്നിട്ടില്ല. അതും ഇല്ലാതിരിക്കട്ടെയെന്നാണ് ഞങ്ങളുടെ പ്രാർത്ഥന.
വ്യാപകമായി പ്രചരിപ്പിക്കുന്ന കാര്യം നിങ്ങളാരെങ്കിലും കാണാതെ ഇരിക്കുമോ? എന്റെ സ്വാഭാവികമായ സംശയമാണ്. നമ്മളാരും കണ്ടിട്ടില്ല. അങ്ങനെ ഒരു എതിർ സ്ഥാനാർത്ഥിയെ മോശക്കാരിയാക്കിട്ട് ഒരിലക്ഷൻ ജയിക്കാൻ വന്നിരിക്കുന്നവരല്ല ഞങ്ങളാരുമെന്നും ഷാഫി പറമ്പിൽ പറഞ്ഞു. അങ്ങനൊരു വീഡിയോ ഇല്ല എന്ന് തിരിച്ചറിയുകയും അത് പറയുകയും ചെയ്തിട്ടുണ്ടെങ്കിൽ ഞാൻ അതിനെ ബഹുമാനിക്കുന്നതായും ഷാഫി പറമ്പിൽ കൂട്ടി ചേർത്തു.
