ഇരട്ടച്ചങ്കല്ല എത്ര ചങ്ക് മുഖ്യമന്ത്രിക്കുണ്ടെങ്കിലും വര്ദ്ധിപ്പിച്ച സെസ് പിന്വലിക്കേണ്ടി വരുമെന്ന് യൂത്ത് ലീഗ് സംസ്ഥാന ജനറല് സെക്രട്ടറി പികെ ഫിറോസ്. ബജറ്റിലെ ഇന്ധന സെസ് വിഷയത്തില് ആഴ്ച്ചകള് നീളുന്ന കളക്ട്രേറ്റ് മാര്ച്ച് നടത്തും. സെസ് പിന്വലിക്കും വരെ സമരം തുടരുമെന്നും മന്ത്രിമാരെ വഴിയില് തടയുമെന്നും അദ്ദേഹം വ്യക്തമാക്കി.
ജനങ്ങളെ വറുതിയിലേക്ക് തള്ളിവിടുന്ന നിര്ദ്ദേശങ്ങള് പിന്വലിക്കില്ലെന്ന് സര്ക്കാരിന് പിടിവാശിയാണെന്ന് പ്രതിപക്ഷ നേതാവ് വിഡി സതീശന് പറഞ്ഞു. ബജറ്റിലെ നടുവൊടിക്കുന്ന നികുതി നിര്ദ്ദേശങ്ങള് പിന്വലിക്കില്ലെന്ന ധനമന്ത്രിയുടെ പ്രഖ്യാപനത്തില് പ്രതിഷേധിച്ച് നിയമസഭ ബഹിഷ്കരിച്ചതിന് പിന്നാലെയായിരുന്നു സതീശന്റെ പ്രതികരണം.
ഒരു നികുതിയും പിന്വലിക്കില്ല എന്ന പിടിവാശിയാണ് മുഖ്യമന്ത്രിക്ക്. പ്രതിപക്ഷ സമരത്തിന്റേയും ജനരോഷത്തിന്റേയും പശ്ചാത്തലത്തില് സര്ക്കാര് പ്രതിരോധത്തില് ആയതിനാലാണിത്. വിനാശകരമായ ബജറ്റ് അവതരിപ്പിച്ചതിന്റെ ക്രെഡിറ്റ് ധനമന്ത്രി കെഎന് ബാലഗോപാലിനെടുക്കാമെന്നും അദ്ദേഹം പരിഹസിച്ചു.
അധികാരത്തിന്റെ ഹുങ്കില് ആണ് ഭരണ പക്ഷം. ജനങ്ങളില് നിന്ന് അകന്നത് കൊണ്ടാണ് ജനവികാരം മനസിലാവാത്തത്. ജനങ്ങളുടെ അഭിപ്രായസര്വേസര്ക്കാര് എടുക്കട്ടെയെന്നും അദ്ദേഹം പറഞ്ഞു.