യെമന് പൗരനെ കൊലപ്പെടുത്തിയ കേസില് വധശിക്ഷയ്ക്ക് വിധിക്കപ്പെട്ട് ജയിലില് കഴിയുന്ന നിമിഷ പ്രിയയുടെ മകള് ഉള്പ്പെടെയുള്ളവര് യെമനിലെത്തി. പിതാവ് ടോമി തോമസിനും ഗ്ലോബല് പീസ് ഇനിഷ്യേറ്റീവ് സ്ഥാപകന് ഡോ കെഎ പോളിനുമൊപ്പമാണ് നിമിഷ പ്രിയയുടെ മകള് മിഷേല് യെമനില് എത്തിയത്.
അധികൃതരോട് അമ്മയുടെ മോചനത്തിനായി ദയയാചിക്കാനാണ് മിഷേല് എത്തിയിരിക്കുന്നത്. വര്ഷങ്ങളായി യെമനിലെ ജയിലില് കഴിയുന്ന നിമിഷ പ്രിയയെ കഴിഞ്ഞ പത്ത് വര്ഷമായി മകളെ കണ്ടിട്ടില്ല. മലയാളത്തിലും ഇംഗ്ലീഷിലുമാണ് മിഷേല് അഭ്യര്ത്ഥനനടത്തിയത്. നിമിഷ പ്രിയയുടെ ഭര്ത്താവ് ടോമി തോമസും അഭ്യര്ത്ഥന നടത്തി.
2017ലാണ് യെമന് പൗരനായ തലാല് അബ്ദു മഹ്ദിയെ കൊലപ്പെടുത്തിയ കേസില് നിമിഷ പ്രിയ കുറ്റക്കാരിയാണെന്ന് കോടതി കണ്ടെത്തിയത്. 2020ല് വിചാരണക്കോടതി വധശിക്ഷ വിധിച്ചു. നിമിഷ പ്രിയയെ രക്ഷിക്കാനുള്ല ഏക മാര്ഗം തലാലിന്റെ കുടുംബത്തിന് ദയാധനം നല്കുകയായിരുന്നു. തലാലിന്റെ കുടുംബത്തെ നേരില് കണ്ട് മാപ്പപേക്ഷിക്കുന്നതിന് വേണ്ടി നിമിഷ പ്രിയയുടെ അമ്മ പ്രേമകുമാരി നേരത്തെ യെമനില് പോയിരുന്നു. തലാലിന്റെ കുടുംബവുമായും ഗോത്രത്തിന്റെ തലവന്മാരുമായും ചര്ച്ചകള് നടത്തി. എന്നാല് ഈ ചര്ച്ചകള് വഴിമുട്ടി.