70ാമത് നെഹ്റു ട്രോഫി വള്ളംകളി ഓഗസ്റ്റ് 10ന് പുന്നമടക്കായലില് നടക്കും. ആലപ്പുഴ കളക്ടറേറ്റ് കോണ്ഫറന്സ് ഹാളില് ചേര്ന്ന നെഹ്റു ട്രോഫി ബോട്ട് റേസ് സൊസൈറ്റി എക്സിക്യൂട്ടീവ് കമ്മിറ്റി യോഗത്തിലാണ് ഇതുസംബന്ധിച്ച തീരുമാനമായത്.
69-ാമത് നെഹ്റു ട്രോഫി വള്ളംകളിയുടെ വാര്ഷിക ബജറ്റ് കമ്മിറ്റി പാസാക്കി. കഴിഞ്ഞ വര്ഷം 2.87 കോടി രൂപയുടെ വരുമാനമാണ് സൊസൈറ്റി നേടിയത്. ചെലവുകള് കഴിഞ്ഞ് 3.28 ലക്ഷം രൂപയാണ് മിച്ചം.
ഭാഗ്യചിഹ്നം എന്ട്രികള് ജൂലൈ 02വരെ നല്കാം
ഓഗസ്ത് 10ന് പുന്നമട കായലില് നടക്കുന്ന 70-ാമത് നെഹ്റു ട്രോഫി ജലമേളയുടെ ഭാഗ്യചിഹ്നം നിശ്ചയിക്കാനുള്ള മത്സരത്തിലേക്കുള്ള എന്ട്രികള് ജൂലൈ രണ്ട് വൈകിട്ട് അഞ്ച് വരെ നല്കാം. എ-4 സൈസ് ഡ്രോയിംഗ് പേപ്പറില് മള്ട്ടി കളറിലാണ് ഭാഗ്യചിഹ്നം തയ്യാറാക്കേണ്ടത്.
സൃഷ്ടികള് മൗലികമായിരിക്കണം. എന്ട്രികള് അയക്കുന്ന കവറില് ’70-ാമത് നെഹ്റു ട്രോഫി ജലമേള- ഭാഗ്യചിഹ്നമത്സരം’ എന്നു രേഖപ്പെടുത്തിയിരിക്കണം. ഒരാള്ക്ക് ഒരു എന്ട്രിയേ നല്കാനാകൂ. പേര്, മേല്വിലാസം, ഫോണ് നമ്പര്, ഇ-മെയില് എന്നിവ പ്രത്യേകം പേപ്പറില് എഴുതി എന്ട്രിക്കൊപ്പം സമര്പ്പിക്കണം.
കമ്പ്യൂട്ടറില് തയ്യാറാക്കിയ എന്ട്രികളും സ്വീകരിക്കും. തിരഞ്ഞെടുക്കപ്പെടുന്ന സൃഷ്ടിയ്ക്ക് 10,001 രൂപ സമ്മാനമായി നല്കും. വിധിനിര്ണയ സമിതിയുടെ തീരുമാനം അന്തിമമായിരിക്കും. എന്ട്രികള് കണ്വീനര്, നെഹ്റു ട്രോഫി പബ്ലിസിറ്റി കമ്മിറ്റി, ജില്ലാ ഇന്ഫര്മേഷന് ഓഫീസ്, സിവില് സ്റ്റേഷന്, ആലപ്പുഴ- 688001 എന്ന വിലാസത്തില് ലഭിക്കണം. ഫോണ്: 0477-2251349.