കോഴിക്കോട് താമരശ്ശേരിയിലെ പത്താം ക്ലാസ് വിദ്യാര്ത്ഥി ഷഹബാസിന്റെ കൊലപാതകത്തിലെ പ്രതികള്ക്ക് പരീക്ഷയെഴുതാന് സുരക്ഷയൊരുക്കി പൊലീസ്. പ്രതികള്ക്ക് പരീക്ഷയെഴുതാന് പൊലീസ് സുരക്ഷയൊരുക്കും. നാളെ ആരംഭിക്കുന്ന എസ്എസ്എല്സി പരീക്ഷക്കാണ് പൊലീസ് സുരക്ഷ ഒരുക്കുന്നത്.
പ്രതിഷേധ സാധ്യത കണക്കിലെടുത്താണ് പൊലീസ് നിര്ദേശം. നാളെ ആരംഭിക്കുന്ന എസ്എസ്എല്സി പരീക്ഷയാണ് പ്രതികള് സ്കൂളില് വെച്ച് എഴുതുക. നിലവില് പ്രതികള് വെള്ളിമാടുകുന്നിലെ ഒബ്സര്വേഷന് ഹോമിലാണുള്ളത്. അതേസമയം ഷഹബാസിന്റെ പ്രാഥമിക പോസ്റ്റ്മോര്ട്ടം റിപ്പോർട്ട് പുറത്ത് വന്നിരുന്നു. ഷഹബാസിന്റെ തലയോട്ടി പൊട്ടിയ നിലയിലാണെന്നും വലത് ചെവിയുടെ മുകള്ഭാഗത്തായാണ് പൊട്ടല് ഉള്ളതെന്നും റിപ്പോർട്ടിൽ പറഞ്ഞിരുന്നു.
അതേസമയം, ഷഹബാസിന്റെ മരണത്തില് പ്രതികളായ അഞ്ച് വിദ്യാര്ഥികളെയും ജുവനൈല് ഹോമിലേക്ക് മാറ്റി. ഒബ്സര്വേഷന് റൂമിലേക്കാണ് മാറ്റിയത്. ജാമ്യാപേക്ഷ നിരസിച്ചതിന് പിന്നാലെയാണ് നടപടി. ഷഹബാസിന്റെ മരണത്തില് സംസ്ഥാന ബാലാവകാശ കമ്മീഷന് സ്വമേധയാ കേസെടുത്തിരുന്നു. ജില്ലാ പൊലീസ് മേധാവിയോടും ശിശുക്ഷേമ സമിതി ചെയര്പേഴ്സണോടും ബാലാവകാശ കമ്മീഷന് ചെയര്പേഴ്സണ് വിശദീകരണം തേടി.