മുണ്ടത്തിക്കോട് വെടിക്കെട്ട് ദുരന്തത്തില് ഗുരുതരമായി പരിക്കേറ്റ് ചികിത്സയിലായിരുന്ന തിരുവമ്പാടി വെടിക്കെട്ട് ലൈസന്സി സതീശന് മരിച്ചു. അപകടത്തിൽ ശരീരത്തില് നൂറ് ശതമാനം പൊള്ളലേറ്റിരുന്നു. തൃശൂർ മെഡിക്കല് കോളേജ് ആശുപത്രി ഐസിയുവില് ചികിത്സയിലായിരുന്നു.
ഇതോടെ വെടിക്കെട്ട് അപകടത്തില് മരിച്ചവരുടെ എണ്ണം 15ആയി. വെടിക്കെട്ട് നിർമ്മാണ പ്രവർത്തനങ്ങളിൽ 13 വർഷത്തിലേറെ പ്രവർത്തന പരിചയമുണ്ടായിരുന്ന ആളാണ് സതീശൻ. പിതാവ് മണിപാപ്പൻ്റെ പാത പിന്തുടർന്നാണ് വെടിക്കെട്ട് രംഗത്തേയ്ക്ക് സതീശൻ വന്നത്.
വർഷങ്ങളായി തിരുവമ്പാടി വിഭാഗത്തിന്റെ ലൈസൻസിയായിരുന്നു മണിപാപ്പൻ. അച്ഛന്റെ മരണത്തെ തുടർന്നാണ് സതീശൻ വെടിക്കെട്ട് നടത്തിപ്പ് ഏറ്റെടുത്തത്.