കള്ളപ്പണം വെളുപ്പിക്കൽ കേസിൽ എസ്ഡിപിഐ ദേശീയ അദ്ധ്യക്ഷനെ ഇഡി അറസ്റ്റ് ചെയ്തു. എസ്ഡിപിഐ ദേശീയ പ്രസിഡൻ്റ് എംകെ ഫൈസിയെ ആണ് എൻഫോഴ്സ്മെൻ്റ് ഡയറക്ടറേറ്റ് അറസ്റ്റ് ചെയ്ത്. ഇന്നലെ രാത്രി ബംഗളൂരുവിൽ നിന്നാണ് ഫൈസിയെ ഇഡി കസ്റ്റഡിയിലെടുത്തത്. നിരോധിത സംഘടനയായ പിഎഫ്ഐയുമായി ബന്ധപ്പെട്ട കളപ്പണം വെളുപ്പിക്കൽ കേസിലാണ് അറസ്റ്റ്. കളപ്പണം വെളുപ്പിക്കൽ വിരുദ്ധ നിയമങ്ങൾ ലംഘിച്ച് സാമ്പത്തിക ഇടപാടുകൾ നടത്തിയെന്ന് അന്വേഷണത്തിൽ കണ്ടെത്തിയതിനാലാണ് ഫൈസിയെ അറസ്റ്റ് ചെയ്തത്. തീവ്രവാദ പ്രവർത്തനങ്ങൾ പ്രോത്സാഹിപ്പിക്കുന്ന സംഘടനകളുടെ സാമ്പത്തിക സ്രോതസ് തകർക്കാനുള്ള ശ്രമത്തിൻ്റെ ഭാഗമായാണ് നടപടിയെന്ന് ഇഡി വൃത്തങ്ങൾ അറിയിച്ചു.