മയക്കുവെടിയേറ്റ മയങ്ങി നിൽക്കുന്ന അരിക്കൊമ്പന് അരികിലേക്ക് എത്തിച്ചേർന്ന ചക്കക്കൊമ്പൻ ദൗത്യ സംഘത്തിന് വെല്ലുവിളി ഉയർത്തി. എന്നാൽ സോഷ്യൽ മീഡിയക്ക് ആ വരവ് ചാകരയായിരുന്നു. അരിക്കൊമ്പനേയും ചക്ക കൊമ്പനേയും വെച്ച് നിരവധി ട്രോളുകളും മീമുകളുമാണ് സോഷ്യൽ മീഡിയയിൽ പ്രചരിക്കുന്നത്.
മയക്കുവെടിയേറ്റ് മയങ്ങി നിൽക്കുന്ന അരിക്കൊമ്പന് അരികിലേക്ക് അപ്രതീക്ഷിതമായാണ് അക്രമകാരിയായ കാട്ടാന ചക്കക്കൊമ്പൻ എത്തിച്ചേർന്നത്. ദൗത്യ സംഘത്തിന് കടുത്ത വെല്ലുവിളി ഉയർത്തിയായിരുന്നു ചക്കക്കൊമ്പന്റെ വരവ്.
കുങ്കിയാനകളെ വച്ച് അരിക്കൊമ്പനെ വളഞ്ഞ് മെരുക്കി ലോറിയിലേക്ക് എത്തിക്കുവാനുള്ള ശ്രമങ്ങൾ നടക്കുന്നതിനിടയിലാണ് പുതിയ പ്രതിസന്ധി. നിലവിൽ മൂന്ന് തവണയാണ് അരിക്കൊമ്പന് മയക്കുവെടിയേറ്റിരിക്കുന്നത്.
ഏറെ നേരത്തെ കാത്തിരിപ്പിനൊടുവിൽ 11.55 നാണ് അരിക്കൊമ്പനെ മയക്കുവെടി വെച്ചത്. സിമന്റ് പാലത്തിൽ വെച്ചാണ് ആനയെ മയക്കുവെടി വെച്ചത്. ഡോക്ടർ അരുൺ സക്കറിയയുടെ നേതൃത്വത്തിലുള്ള ദൗത്യസംഘമാണ് മയക്കുവെടി വെച്ചത്.