എറണാകുളം പെരുമ്പാവൂരില് നിന്ന് കാണാതായ രണ്ട് സ്കൂള് വിദ്യാര്ത്ഥിനികളെ കണ്ടെത്തിയതായി റിപ്പോര്ട്ട്. തിങ്കളാഴ്ച വൈകുന്നേരം മുതല് കാണാതായ വിദ്യാര്ത്ഥിനികളെ പാലക്കാട് നിന്ന് കണ്ടെത്തിയതായാണ് സൂചന. ഒന്പതാം ക്ലാസ് വിദ്യാര്ത്ഥിനികളായ രണ്ട് പെണ്കുട്ടികളെയാണ് കണ്ടെത്തിയതായി വിവരം ലഭിച്ചിട്ടുള്ളത്.
പെരുമ്പാവൂര് പാലക്കാട്ടുതാഴം ഒന്നാംമൈല് സ്വദേശികളായ വിദ്യാര്ത്ഥിനികളെയാണ് കഴിഞ്ഞ ദിവസം മുതല് കാണാതായത്. വിവരം ലഭിച്ചതിനെ തുടര്ന്ന് പെരുമ്പാവൂര് പൊലീസ് പാലക്കാട്ടേക്ക് തിരിച്ചിട്ടുണ്ട്്. കാണാതായ വിദ്യാര്ത്ഥിനികള് ഒരേ ക്ലാസിലായിരുന്നു പഠിച്ചിരുന്നത്. ഇരുവരും സ്കൂള് കഴിഞ്ഞാല് ട്യൂഷനും കഴിഞ്ഞാണ് പതിവായി വീട്ടിലേക്ക് വന്നിരുന്നത്.
എന്നാല് തിങ്കളാഴ്ച പതിവ് സമയം കഴിഞ്ഞും കുട്ടികള് വീട്ടിലെത്താതിരുന്നതോടെ കുടുംബാംഗങ്ങള് പെരുമ്പാവൂര് പൊലീസില് പരാതി നല്കുകയായിരുന്നു. ഇതേ തുടര്ന്ന് നടത്തിയ അന്വേഷണത്തിലാണ് കുട്ടികളെ പാലക്കാട് നിന്ന് കണ്ടെത്തിയത്. വിദ്യാര്ത്ഥിനികളില് ഒരാളെ വീട്ടുകാര് വഴക്ക് പറഞ്ഞതിനെ തുടര്ന്നാണ് ഇരുവരും വീട്ടില് പോകാതിരുന്നതാണ്.