ഡോ. വന്ദനാ ദാസിന് നീതി ഉറപ്പാക്കണമെന്നാവശ്യപ്പെട്ട് മഹിളാ കോണ്ഗ്രസിന്റെ ഉപവാസം. സെക്രട്ടറിയേറ്റിന് മുന്നില് രാവിലെ 6 മുതല് വൈകിട്ട് 6 വരെയാണ് പ്രതിഷേധം. സംസ്ഥാന പ്രസിഡന്റ് ജെബി മേത്തറിന്റെ നേതൃത്വത്തിലാണ് സമരം.
ഡോ. വന്ദനയുടെ വീട്ടില് നടത്തിയ കരച്ചില് നാടകമല്ലെങ്കില് രാജി വച്ചൊഴിയാന് ആരോഗ്യമന്ത്രി തയ്യാറാകണമെന്ന് മഹിളാ കോണ്ഗ്രസ് ആവശ്യപ്പെട്ടു. അതേസമയം, വന്ദനാ ദാസിനെ കൊലപ്പെടുത്തിയ കേസിലെ പ്രതി സന്ദീപിനെ ഇന്ന് കൊട്ടാരക്കര കോടതിയില് ഹാജരാക്കും.
സന്ദീപിനെ അഞ്ചു ദിവസത്തെ കസ്റ്റഡിയില് ആവശ്യപ്പെടാനാണ് അന്വേഷണ സംഘത്തിന്റെ തീരുമാനം. കോടതിയുടെ നിര്ദേശ പ്രകാരം പ്രതിയുടെ രക്ത സാമ്പിള് പരിശോധനയ്ക്കായി ഫോറന്സിക് ലാബിലേക്ക് അയച്ചിട്ടുണ്ട്.
താന് വന്ദനയെ അല്ല ലക്ഷ്യം വച്ചതെന്നും പുരുഷ ഡോക്ടറെ ആക്രമിക്കാനാണ് കരുതിയിരുന്നതെന്നും പ്രതി സന്ദീപ് ജയില് സൂപ്രണ്ടിന് മൊഴി നല്കിയിരുന്നു. പ്രതിക്ക് മാനസിക പ്രശ്നങ്ങളില്ലെന്ന് പേരൂര്ക്കട മാനസികാരോഗ്യ കേന്ദ്രത്തിലെ ഡോക്ടര് വ്യക്തമാക്കിയിരുന്നു. അമിതമായി ലഹരി ഉപയോഗിച്ചതു കൊണ്ടാണ് പ്രതി വിഭ്രാന്തി കാണിച്ചത്.