അട്ടപ്പാടി മധുവധക്കേസ് നാടിന്റെ പ്രശ്നമാണെന്ന് മുഖ്യമന്ത്രി പിണറായി വിജയന്. കേസില് നീതി നടപ്പാക്കാന് എല്ലാ ശ്രമവും നടത്തും. പ്രതികള്ക്ക് അര്ഹമായ ശിക്ഷ ഉറപ്പാക്കും. പ്രോസിക്യൂഷന്റെ ഭാഗത്ത് ഒരു അലംഭാവവും ഉണ്ടായിട്ടില്ലെന്നും അദ്ദേഹം നിയമസഭയില് പറഞ്ഞു.
സംഭവം നടന്ന് മണിക്കൂറുകള്ക്കുള്ളില് 16 പേരെ അറസ്റ്റ് ചെയ്ത് കോടതിയില് ഹാജരാക്കി റിമാന്ഡ് ചെയ്തു. യഥാര്ത്ഥ പ്രതികളാണ് വിചാരണ നേരിടുന്നത്. പ്രോസിക്യുഷന് ജാഗ്രതയോടെ കാര്യങ്ങള് ചെയ്തിട്ടുണ്ട്. കേസിനെ ഗൗരവമായാണ് കാണുന്നത്. മധുവിന്റെ കൊലപാതകം നാടിന് മുഴുവന് അപമാനകരമായ സംഭവമാണെന്നും മുഖ്യമന്ത്രി വ്യക്തമാക്കി.
സാക്ഷികള്ക്ക് കോടതിയില് വരുമ്പോഴും പോകുമ്പോഴും പൊലീസ് സംരക്ഷണം ഏര്പ്പെടുത്തിയിട്ടുണ്ട്. മധുവിന്റെ അമ്മയെ ഭീഷണിപ്പെടുത്തിയവര്ക്കെതിരെ കര്ശനനടപടി സ്വീകരിക്കും. സംഭവത്തില് പൊലീസ് അന്വേഷണം ആരംഭിച്ചിട്ടുണ്ടെന്നും അദ്ദേഹം കൂട്ടിച്ചേര്ത്തു.