മുനമ്പം വിഷയത്തില് മുസ്ലീം ലീഗ് നേതാക്കള് വാരാപ്പുഴ അതിരൂപത ബിഷപ്പുമായി കൂടിക്കാഴ്ച നടത്തി. സമവായ ശ്രമത്തിന്റെ ഭാഗമായാണ് കൂടിക്കാഴ്ച. അതിരൂപത അധ്യക്ഷന് ബിഷപ്പ് മാര് ജോസഫ് കളത്തിപ്പറമ്പിലുമായാണ് കൂടിക്കാഴ്ച. അതിരൂപതയിലെ മറ്റ് ബിഷപ്പുമാരും മുനമ്പം സമരസമിതി അംഗങ്ങളും ചര്ച്ചയില് പങ്കെടുത്തു.
ലാഗ് സംസ്ഥാന പ്രസിഡന്റ് സാദിഖലി തങ്ങള്, ദേശീയ ജനറല് സെക്രട്ടറി പികെ കുഞ്ഞാലിക്കുട്ടി എന്നിവരാണ് ചര്ച്ച നടത്തിയത്. വാരാപ്പുഴ അതിരൂപതയുടെ കീഴിലാണ് മുനമ്പം പ്രദേശം. മുനമ്പത്തെ പള്ളിയുടെ ഭൂമിയിലാണ് സമരപ്പന്തല് തയ്യാറാക്കിയിരിക്കുന്നത്. സൗഹാര്ദ്ദപൂര്ണമായ ചര്ച്ചയാണുണ്ടായതെന്ന് സാദിഖലി തങ്ങള് ചര്ച്ചയ്ക്ക് ശേഷം പറഞ്ഞു.
മുനമ്പം വിഷയം രമ്യമായി പരിഹരിക്കണമെന്നും സൗഹൃദപരമായ ചര്ച്ചയാണ് നടന്നതെന്നും പികെ കുഞ്ഞാലിക്കുട്ടി എംഎല്എയും വ്യക്തമാക്കി. അതേസമയം മുനമ്പം സമരത്തിന് ഐക്യദാര്ഢ്യം പ്രഖ്യാപിച്ചാണ് ലീഗ് നേതാക്കളെത്തിയതെന്ന് ആര്ച്ച് ബിഷപ്പ് ജോസഫ് കളത്തിപ്പറമ്പില് പറഞ്ഞു.