ദക്ഷിണേന്ത്യയില്‍ ലഷ്‌കറെ ത്വയ്ബയുടെ ആക്രമണ ഭീഷണിയുടെ പശ്ചാത്തലത്തില്‍ തൃശൂരില്‍ നിന്ന് ഒരു സ്ത്രീയെ കേരള പൊലീസ് കസ്റ്റഡിലെടുത്തു. ശ്രീലങ്കയില്‍ നിന്ന് തമിഴ്‌നാട്ടിലെത്തിയ ലഷ്‌കര്‍ സംഘത്തിലെ മലയാളിയുമായി ബന്ധമുണ്ടെന്ന സംശയത്തെ തുടര്‍ന്നാണ് സ്ത്രീയെ കസ്റ്റഡിയിലെടുത്തത്. ഭീകരാക്രമണ ഭീഷണി നിലനില്‍ക്കുന്നതിനാല്‍ കേരളത്തിലും തമിഴ്‌നാട്ടിലും ജാഗ്രത തുടരുകയാണ്. വിവിധ ജില്ലകളിലായി ഒട്ടേറെപ്പേര്‍ നിരീക്ഷണത്തിലാണ്.
ലഷ്‌കര്‍ – ഇ – തൊയിബ ഭീകരര്‍ തമിഴ്‌നാട്ടില്‍ എത്തിയെന്ന രഹസ്യാന്വേഷണ മുന്നറിയിപ്പിന്റെ പശ്ചാത്തലത്തില്‍ ദക്ഷിണേന്ത്യന്‍ സംസ്ഥാനങ്ങളില്‍ ജാഗ്രത തുടരുകയാണ്. വേളാങ്കണ്ണി ഉള്‍പ്പടെയുള്ള ആരാധനാലയങ്ങളില്‍ സുരക്ഷ വര്‍ധിപ്പിച്ചു.
ഭീകരര്‍ക്ക് യാത്രാ സഹായം ഉള്‍പ്പടെ ഒരുക്കിയത് തൃശൂര്‍ സ്വദേശിയായ അബ്ദുള്‍ ഖാദറാണെന്ന് പൊലീസ് സ്ഥിരീകരിച്ചു .സ്‌കൂളുകള്‍, റെയില്‍വേ സ്റ്റേഷനുകള്‍, ബസ് സ്റ്റാന്‍സുകള്‍ എന്നിങ്ങനെയുള്ള പൊതുസ്ഥലങ്ങള്‍ കേന്ദ്രീകരിച്ച് ബോംബ് സ്‌ക്വാഡ് പരിശോധന തുടരുകയാണ്. എഡിജിപിയുടെ നേതൃത്വത്തില്‍ 2000 പൊലീസുകാരെയാണ് കോയമ്പത്തൂരില്‍ മാത്രം വിന്യസിച്ചിരിക്കുന്നത്.