കെഎസ്ആര്‍ടിസി ബസ് 10 വാഹനങ്ങളെ ഇടിച്ചുതെറിപ്പിച്ചു. ദേശീയ പാതയില്‍ പറവൂര്‍ കവലയ്ക്ക് സമീപം ഇന്നലെ വൈകിട്ടാണ് അപകടമുണ്ടായത്. തൃശൂരില്‍ നിന്ന് വൈക്കത്തേക്ക് പോവുകയായിരുന്ന കെഎസ്ആര്‍ടിസി ബസ് ആണ് അപകടമുണ്ടാക്കിയത്.
സിഗ്നലില്‍ കാത്തുകിടക്കുകയായിരുന്ന വാഹനങ്ങളാണ് ബസ് ഇടിച്ചു തെറിപ്പിച്ചത്. ഒരു ലോറിയും ഒരു സ്‌കൂട്ടറും എട്ട് കാറുകളുമാണ് അപകടത്തില്‍പ്പെട്ടത്.
അപകടത്തില്‍ നാല് പേര്‍ക്ക് പരിക്കേല്‍ക്കുകയും രണ്ട് കാറുകള്‍ പൂര്‍ണമായ് തകരുകയും ചെയ്തു. ഡ്രൈവര്‍ ഉറങ്ങിപ്പോയതോ അശ്രദ്ധയോ ആകാം അപകടകാരണമെന്നാണ് പ്രാഥമിക നിഗമനം. സംഭവസ്ഥലത്ത്‌നിന്നും ഡ്രൈവര്‍ ഓടിരക്ഷപ്പെടുകയും ചെയ്തു.