തിരഞ്ഞെടുപ്പുകളിലെ കള്ളവോട്ടിനെ മുസ്ലിം ലീഗ് അനുകൂലിക്കുന്നില്ലെന്നും കല്യാശേരിയില് ലീഗ് പ്രവര്ത്തകര് കളളവോട്ട് ചെയ്തെന്ന ആക്ഷേപത്തെ പറ്റി പാര്ട്ടി അന്വേഷിക്കുമെന്നും മുസ്ലിം ലീഗ് സംസ്ഥാന ജനറല് സെക്രട്ടറി കെപിഎ മജീദ്. സംഭവത്തെ പറ്റി അന്വേഷിക്കാന് കണ്ണൂര് ജില്ലാ കമ്മിറ്റിയെ ചുമതലപ്പെടുത്തിയിട്ടുണ്ട്. കള്ളവോട്ടെന്ന് തെളിഞ്ഞാല് നടപടിയുണ്ടാകും. ഉദുമയില് കള്ളവോട്ടോ ബൂത്ത് പിടിത്തമോ ഉണ്ടായിട്ടില്ല. തിരിച്ചറിയല് കാര്ഡിനെച്ചൊല്ലിയുളള തര്ക്കമാണുണ്ടായത്.
പോളിംഗില് അസ്വാഭാവികതയുള്ള ബൂത്തുകളിലെല്ലാം റീ പോളിംഗ് നടത്തണം. 90 ശതമാനത്തില് അധികം പോളിംഗ് നടന്നിട്ടുള്ള ബൂത്തുകളില് റീ പോളിംഗ് വേണമെന്നും കള്ളവോട്ടിനെതിരെ തിരഞ്ഞെടുപ്പ് കമ്മീഷന് കര്ശന നടപടി സ്വീകരിക്കണമെന്നും കെ.പി.എ മജീദ് പറഞ്ഞു.