ഓൺലൈൻ ചാനലായ മറുനാടൻ മലയാളിയുടെ ഓഫീസിൽ നടത്തി റെയ്ഡിൽ പൊലീസിനി ഹൈക്കോടതിയുടെ വിമർശനം. പരിശോധനയിൽ പൊലീസ് പിടിച്ചെടുത്ത ഉപകരണങ്ങൾ ഉടന് വിട്ട് നൽകണമെന്ന് കോടതി നിർദ്ദേശിച്ചു. കംപ്യൂട്ടറുകളും മോണിറ്ററുകളും ഉടന് വിട്ട് നൽകണമെന്നാണ് നിര്ദ്ദേശം.
പട്ടിക ജാതി/ പട്ടിക വര്ഗ പീഡന നിരോധന നിയമ പ്രകാരം എടുത്ത കേസില് എന്തിനാണ് ചാനലിന്റെ എല്ലാ ഉപകരണങ്ങളും പിടിച്ചെടുക്കുന്നത് എന്നായിരുന്നു കോടതിയുടെ ചോദ്യം . ഇത്തരം കേസ് തെളിയിക്കേണ്ടത് മൊഴികളുടെ അടിസ്ഥാനത്തിലാണെന്നും കോടതി പൊലീസിനോട് പറഞ്ഞു. ഒരാഴ്ചക്കുള്ളിൽ എല്ലാ ഉപകരണങ്ങളും വിട്ടു നൽകാനാണ് നിർദ്ദേശം.
പി വി ശ്രീനിജന്റെ പരാതിയിൽ എടുത്ത കേസിലാണ് ചാനലിന്റെ ഉപകരണങ്ങൾ പൊലീസ് പിടിച്ചെടുത്തത്. മറുനാടൻ മലയാളി ചാനൽ മേധാവി ഷാജൻ സ്കറിയക്കെതിരെ അടക്കം എസ് സി – എസ് ടി പീഡന നിരോധന നിയമം അനുസരിച്ച് പൊലീസ് കേസെടുത്തിരുന്നു.
തിരുവനന്തപുരം പട്ടം ഓഫീസിലായിരുന്നു റെയ്ഡ്. 29 കമ്പ്യൂട്ടർ, ക്യാമറകൾ, ലാപ്ടോപ് എന്നിവയാണ് പൊലീസ് കസ്റ്റഡിയിലെടുത്തത്. പിവി ശ്രീനിജൻ എം എൽ എയ്ക്കെതിരെ നടത്തിയ അപകീർത്തികരമായ പരാമർശങ്ങളുടെ പേരിലായിരുന്നു കൊച്ചി സിറ്റി പൊലീസിന്റെ നടപടി.